Video
Read full review
2020-05-23
860 views
來中環處理銀行帳戶，由於還有一些手續要辦，所以決定食埋晏先走。嚟咗「瑞士咖啡室」開餐，之前幫襯過灣仔道嗰間，利源西街呢間反而是第一次來。原來餐廳共有兩層，座位十分充足。細看裝潢，是典型的舊式茶餐廳格局，書法招牌、閣樓雅座、綠白階磚，再配以掛牆餐牌和舊式油燈等，全部都是香港人的集體回憶，體現了對舊年代的眷戀和致敬。每張檯均放有一份餐牌，另外牆身上亦掛有手寫餐牌，選項清晰，簡單易明。點咗公司三文治 ($43)、瑞士常餐 ($55) 同一客蔥油豬扒撈麵 ($53)。公司三文治非常大份，用料十足，麵包入面㚒滿了煎蛋、餐肉、蕃茄、火腿和芝士等，有成三層厚，大份到要分幾口至吃到。外層的多士烘得夠曬脆口，咬下帶焦香，入面的沙律醬亦調校得很不錯，入口甜甜酸酸，令味道更醒胃。瑞士常餐陣容亦頗豐富，有牛油多士、火腿奄列同瑞士雞中翼公仔麵，如果想改通粉、意粉、米粉、出前一丁或轉茄湯，就要另加 $4。多士烘得啱啱好，牛油亦塗得甚慷慨；奄列嫩滑有蛋香，火腿夠多又切得夠粗身，夾在多士中間同吃，簡直係無得輸。雞翼大大隻，好飽滿，瑞士汁味道剛好、濃得來又不會太甜，雞肉嫩滑多汁。麵條軟硬適中，加上索滿了甜香的瑞士汁，每
來中環處理銀行帳戶，由於還有一些手續要辦，所以決定食埋晏先走。嚟咗「瑞士咖啡室」開餐，之前幫襯過灣仔道嗰間，利源西街呢間反而是第一次來。
原來餐廳共有兩層，座位十分充足。細看裝潢，是典型的舊式茶餐廳格局，書法招牌、閣樓雅座、綠白階磚，再配以掛牆餐牌和舊式油燈等，全部都是香港人的集體回憶，體現了對舊年代的眷戀和致敬。
每張檯均放有一份餐牌，另外牆身上亦掛有手寫餐牌，選項清晰，簡單易明。點咗公司三文治 ($43)、瑞士常餐 ($55) 同一客蔥油豬扒撈麵 ($53)。
公司三文治非常大份，用料十足，麵包入面㚒滿了煎蛋、餐肉、蕃茄、火腿和芝士等，有成三層厚，大份到要分幾口至吃到。外層的多士烘得夠曬脆口，咬下帶焦香，入面的沙律醬亦調校得很不錯，入口甜甜酸酸，令味道更醒胃。
瑞士常餐陣容亦頗豐富，有牛油多士、火腿奄列同瑞士雞中翼公仔麵，如果想改通粉、意粉、米粉、出前一丁或轉茄湯，就要另加 $4。多士烘得啱啱好，牛油亦塗得甚慷慨；奄列嫩滑有蛋香，火腿夠多又切得夠粗身，夾在多士中間同吃，簡直係無得輸。
雞翼大大隻，好飽滿，瑞士汁味道剛好、濃得來又不會太甜，雞肉嫩滑多汁。麵條軟硬適中，加上索滿了甜香的瑞士汁，每一口都是濃濃汁香，配上入味的雞翼，為味蕾帶來另一種與別不同的享受。
另外碟蔥油豬扒撈麵亦睇頭十足，件豬扒值得一讚，夠曬大塊，厚身得嚟仲啖啖肉，質地鬆化軟腍，而帶骨的部位咬落亦甚有嚼口，配埋甜豉油、蔥花，再撈埋公仔麵一齊食，真係令人好滿足，絕對是午飯補充元氣嘅好選擇！
飲品點咗紅豆冰同凍奶茶，紅豆冰用心製作，紅豆與奶比例剛好，紅豆軟腍、奶味突出，味道香甜，頗不俗；凍奶茶亦唔錯，茶底香，口感柔滑，無嚡口嘅感覺，香滑富層次。
其實懷舊冰室真的是我們的珍貴文化遺產，值得將之繼續保留，真的希望這類港式冰室，能永遠延續下去。
Post
