Video
Read full review
2017-06-07
1262 views
之前幫襯過屋企附近間OPPA燒肉店(大埔)，今日就一行四人黎旺角店踩場。呢排實在太熱，一坐低先叫野飲，以前飲過菠蘿冰，好鬼正，新鮮菠蘿整嘅沙冰，用一大個真菠蘿殼裝住，仲有一片片嘅菠蘿肉，我梗係大力推介啦。但我今日想試吓個芒果冰，可惜今日冇，只有菠蘿冰同西瓜冰。最後四個人都叫晒菠蘿冰，飲勝~一上枱就即刻飲幾啖先! 冇左個菠蘿殼，又冇左一片片嘅菠蘿肉，有啲失望。好大杯，飲落去仍然係新鮮菠蘿整嘅沙冰，好鮮甜，帶一粒粒嘅菠蘿果肉，食燒肉配沙冰，冰火嘅感覺，一個字 - 爽!爐邊蛋，按我指示一半放泡菜，一半齋蛋，一次可以試晒兩款口味。要重點一提，OPPA嘅燒烤板我覺得係咁多間燒烤店最好嘅。一整塊平板設計，非燒烤網，肉汁同油唔會漏入火爐裏面，由於傾斜擺放，所有油都會卸晒落去個盛油碟入面，容易清潔。最重要係佢嘅材質好好，無論燒乜都完全唔黐底，其他燒烤板同燒烤網好多要預先搽定油上去，一路燒仲一路要唧啲油上去，呢個板真係超正。野食就叫左個馬場洞套餐，呢個巨型匈牙利鵝肝，好厚，仲厚過我手掌。燒鵝肝最重要嘅秘訣係: 雪硬佢先!!! 因為鵝肝入面有好多油份，遇熱就溶，雪硬佢先燒就最好! 所以呢個一上枱就要第一時
呢排實在太熱，一坐低先叫野飲，以前飲過菠蘿冰，好鬼正，新鮮菠蘿整嘅沙冰，用一大個真菠蘿殼裝住，仲有一片片嘅菠蘿肉，我梗係大力推介啦。但我今日想試吓個芒果冰，可惜今日冇，只有菠蘿冰同西瓜冰。最後四個人都叫晒菠蘿冰，飲勝~
一上枱就即刻飲幾啖先! 冇左個菠蘿殼，又冇左一片片嘅菠蘿肉，有啲失望。好大杯，飲落去仍然係新鮮菠蘿整嘅沙冰，好鮮甜，帶一粒粒嘅菠蘿果肉，食燒肉配沙冰，冰火嘅感覺，一個字 - 爽!爐邊蛋，按我指示一半放泡菜，一半齋蛋，一次可以試晒兩款口味。
要重點一提，OPPA嘅燒烤板我覺得係咁多間燒烤店最好嘅。一整塊平板設計，非燒烤網，肉汁同油唔會漏入火爐裏面，由於傾斜擺放，所有油都會卸晒落去個盛油碟入面，容易清潔。最重要係佢嘅材質好好，無論燒乜都完全唔黐底，其他燒烤板同燒烤網好多要預先搽定油上去，一路燒仲一路要唧啲油上去，呢個板真係超正。
野食就叫左個馬場洞套餐，呢個巨型匈牙利鵝肝，好厚，仲厚過我手掌。燒鵝肝最重要嘅秘訣係: 雪硬佢先!!! 因為鵝肝入面有好多油份，遇熱就溶，雪硬佢先燒就最好! 所以呢個一上枱就要第一時間燒左佢! 面頭撲上生粉，烤後兩邊更卜卜脆，入口內脆外軟!
匈牙利鵝肝
22 views
0 likes
0 comments
澳洲和牛牛脷，好肥美。大埔店係切薄片的，呢度係厚切再切條。雖然冇薄片咁快熟，但口感反而更好。
澳洲和牛牛脷
7 views
0 likes
0 comments
有五款牛肉，其中呢個和牛拼盤，就有澳洲和牛五花、A4和牛三角肉、宮崎和牛上蓋肉眼。一大碟，望落都知唔錯。但店員冇詳細解釋係咩肉，媽呀，我地覺得好亂。都冇細分，狂風掃落葉咁就食鬼晒。
22 views
0 likes
0 comments
鹿兒島橡味黑豚，雖然咁厚，但燒到差唔多熟就剪開佢再燒多陣，咁就可以確保四邊都燒到，香口美味，肉質彈牙。
鹿兒島橡味黑豚
11 views
0 likes
0 comments
韓式炸雞，四件，一人一件。我嘅經驗，無論喺邊度食韓式炸雞都比美式炸雞出色，更嫩滑多汁。點解架呢? 味道唔算太辣，都算遷就返香港人口味。
韓式炸雞
31 views
0 likes
0 comments
銀鱈魚扒，厚肉，肉質結實，但有骨，要小心食。一般燒烤，魚肉係最難度高，但呢度個烤板太好用，點烤都完全唔黐底，烤魚肉都輕鬆冇難度。
銀鱈魚扒
17 views
0 likes
0 comments
最後要彈吓呢個韓式海鮮年糕，海鮮多，份量大，但真係幾辣，同埋好咸呀。
韓式海鮮年糕
17 views
0 likes
0 comments
呢度環境有啲擠迫，我地要同人共用一張大枱。而個餐四個人食都好飽，份量好足。最緊要係沙冰配烤肉，冰火二重奏先係好享受
Post
