Something Cool (Closed)

抹茶控一見到就想食系列！好鍾意冷熱交融嘅甜品 多款爆餡雪糕burger啱晒熱到癲嘅天氣 另外仲有2-3款非雪糕款 另叫咗個鹹食 每個食一半好滋味😋

🍨綠茶漢堡💰HKD38（Rating: 8/10)
唔使驚 抹味雪糕嚟🤫麵包經烤焗 裡面夾住厚實雪糕 一路影不斷聽到身邊啲女仔話「都ok bor唔細份!」😂老闆強調係焗唔係炸 我本身鍾意食焗多過炸嘢多好多 唔會成口油✨一口咬落去 烤麵包-->大啖雪糕-->微脆花生碎-->綿密唔過多嘅豆蓉 四種層次感加埋真心冇可能唔好食！老闆話薄荷朱古力/朱古力雪糕配oreo最好賣 大家都可以試試 我就永遠抹茶黨✌️

🍔蒲燒鰻魚芝士蛋飛碟漢堡💰HKD58（Rating: 7.4/10)
一份甜另一份當然要鹹 呢3款餡料又係好啱食嘅配搭😬同樣經烤焗 麵包表皮輕輕塗上牛油增加香味 碎蛋同鰻魚味道新鮮 芝士存在感唔算高 整體中規中矩 蒲燒醬有啲多同搶fo 而蛋沙律相反可以多啲 令餡料更飽滿而味道上會更均衡🤔另外有款泡菜豬芝士都唔錯咁!

本來以為食完會繼續掃街 點知都唔餓了 份量幾好 由細到大鍾意食「飛碟」（i.e. toasties)