一鼎‧台式火鍋 (MOSTown新港城中心(4期))

Open Now

Now Closed

朋友之前介紹過呢間火鍋，話主打係無限量任攞火鍋料喎，仲話佢哋嘅和牛好嫩滑、湯底非常正。今日我就搵機會去馬鞍山探下店😎一人一鍋都好得意，我叫咗澳洲純和牛套餐，我平時係好少食牛肉嘅，但係呢個和牛真係令我驚艷到！啲口感真係一流！一入口就感覺到肉質十分細嫩，幾乎唔使咬就可以feel到佢喺口腔入面融合，正呀！鍾意飲清湯嘅我揀咗燻鰹魚清湯鍋，味道十分豐富，海苗順滑嘅口感配上鰹魚嘅鮮味，真係完美結合！我差唔多要飲晒成鍋湯底啦🤪最後梗係要用飲品收尾啦，我叫咗百香果三重奏。酸甜味嘅百香果果肉仲可以食到種子，加上茶葉少少嘅苦澀味，整體口感非常清新解膩👍🏻朋友介紹得冇錯呀，下次再返嚟試試其他嘅湯底！