Video
Read full review
2023-09-05
766 views
當我上網搶緊0機票嘅時間，女友小熊突然來電，問我今晚食咩好?佢係北角出差係北角收工，提意去小巷弄好唔好…好好好..... 我求求其 Hea 回就算，因為要繼續搶機票，甚至無時間上網睇睇小巷弄係咩餐廳，聽個名以為食上海菜，到步先知原來係台灣菜，咁就睇睇佢同北角另一間台灣餐廳九份飽有何優勝先.講環境，九份飽行古早味，我超喜愛，但冷氣完全唔掂，相反小巷弄冷氣就好勁，店內光光猛猛，九份飽座位狹窄，小巷弄闊落舒服.點咗二人套餐，酥炸大豬排湯麵，三牛薈肉燥飯，迷你蔥油餅，滷水豬大腸，芋香珍珠奶茶同蜂蜜雪梨茶.優點:1, 好多時D飲品都沖到好淡偷工減料，但小巷弄嘅芋香珍珠奶茶同蜂蜜雪梨茶夠味但唔會太甜.2, 酥炸大豬排外層酥脆豬扒鬆軟，湯麵清甜之餘有有少少藥材味，夠特別.3, 迷你蔥油餅餡料足夠蔥油香.4, 三牛薈肉燥飯有牛肚牛筋同牛𦟌，牛𦟌同牛筋夠哂冧，份量同樣足夠無偷工減料.5, 服務唔錯，我地話位置太凍要求轉位，湯麵要求加蔥花，職員都樂意無黑臉.缺點:1, 二人套餐主食無我喜歡嘅麵線，要另外點，可惜.2, 湯麵用上粗身台灣麵，我都係中意食D幼身粉麵，個人口味問題吧.3, 我愛嘅蔥油餅，太迷你
好好好..... 我求求其 Hea 回就算，因為要繼續搶機票，甚至無時間上網睇睇小巷弄係咩餐廳，聽個名以為食上海菜，到步先知原來係台灣菜，咁就睇睇佢同北角另一間台灣餐廳九份飽有何優勝先.
講環境，九份飽行古早味，我超喜愛，但冷氣完全唔掂，相反小巷弄冷氣就好勁，店內光光猛猛，九份飽座位狹窄，小巷弄闊落舒服.
點咗二人套餐，酥炸大豬排湯麵，三牛薈肉燥飯，迷你蔥油餅，滷水豬大腸，芋香珍珠奶茶同蜂蜜雪梨茶.
優點:
1, 好多時D飲品都沖到好淡偷工減料，但小巷弄嘅芋香珍珠奶茶同蜂蜜雪梨茶夠味但唔會太甜.
2, 酥炸大豬排外層酥脆豬扒鬆軟，湯麵清甜之餘有有少少藥材味，夠特別.
3, 迷你蔥油餅餡料足夠蔥油香.
4, 三牛薈肉燥飯有牛肚牛筋同牛𦟌，牛𦟌同牛筋夠哂冧，份量同樣足夠無偷工減料.
5, 服務唔錯，我地話位置太凍要求轉位，湯麵要求加蔥花，職員都樂意無黑臉.
缺點:
1, 二人套餐主食無我喜歡嘅麵線，要另外點，可惜.
2, 湯麵用上粗身台灣麵，我都係中意食D幼身粉麵，個人口味問題吧.
3, 我愛嘅蔥油餅，太迷你呀! 唔夠喉.
4, 牛肚韌咗少少，而且唔夠入味.
小熊問我點解遲到，我話幫佢搶機票，其實只係幫自己搶到，睇怕要快快去幫佢搶機票鳥....
Post
