金子半之助 (東薈城名店倉)

Open Now

Now Closed

假期入東涌掃貨，最驚就係要等位食飯。已經兩點先食lunch，但見春水堂仲要排成30 人，立刻放棄。結果搵到呢度，完全唔洗等，直入。(因為佢個位置真係好奇怪，成層樓得佢一間嘢). 之前食過灣仔嗰間，記憶就係"個天婦羅飯好味，但個烏冬好咸，千其唔好叫烏冬". 點知見到佢新出冷烏冬！之前咸得滯就係因為個烏冬索得太多汁，家下自點汁真係啱曬！呢間同上次去灣仔唔同，灣仔嗰間好熱，呢間個冷氣好勁。呢個飯+烏冬雙拼真係無敵。佢個烏冬好正，彈牙好啱夏天食。天婦羅佢最正係舊舊都好食，唔係淨係蝦先好味。個汁連個日本飯食又真係一絕，香得黎唔會死咸。以後黎東涌知道去邊食！