曾記粿品

Open Now

Now Closed

因某啲原因好耐無寫openrice，不過今次不吐不快。又因某啲原因，近來住在附近的酒店。下午茶時間，落街買tea。早幾日第一次來買，其他人買幾個，佢會煎，佢話我買一個唔煎，叫我揀甜嗰一種，唔使煎，聽咗佢話。今日再來，想食韮菜果，專登買三個，另外兩個係蘿蔔同糯米，個女人收咗錢即刻袋好俾我。我問：“係咪有得煎？“ 佢答：“今日忙，唔煎。“ 我明明買三個，唔煎你唔早講？收咗錢先講？我問：“就咁食得唔得？“ 佢答：“得，或者你可以叮一叮佢。“ 跟住我走咗。隔住個袋摸一摸，凍到好似雪櫃啱啱攞出黎咁，點食？ 返到酒店，好彩酒店肯幫我叮，如果唔係完全食唔落。忙唔係唔得，下次人地買三個或以上都唔煎，早響。 又要講返野食，三個果之中，白蘿蔔最好，蘿蔔少甜。因為係叮既關係，表皮其實好乾硬，糯米果都叮到好乾，而韮菜果，可能我本身期望過大了，韮菜好油，味道亦不算新鮮。