潮福蒸氣石鍋 (Closed)

溫度下降最好就係吃邊爐暖下，點知同行個fd又唔係，話熱氣，於是就話咁去食蒸鍋喇，加上上次食過好好食，咁就再幫襯潮福旺角呢間上到嚟感覺幾好，乾淨，員工好快就安排咗位畀我哋，一嚟先拿嘢飲，因為記得任飲，飲品選擇食舊好多款，韓式、汽水仲有竹蔗水，最後揀咗錫蘭茶重點嘢食先有乳鴿，每人有半隻，整得唔差呀，咬入口啲肉好滑，個味道又唔差，朋友都感覺好好食海鮮方面就係睇相回味番都覺得好食，好多樣都好新鮮，有鮮甜味，我個人都like食貝類，好爽，最緊要食落去無沙，證明洗得乾淨，朋友就like龍蝦，覺得好抵任食有好多嘢，手切和牛肉、和牛粒都有，又有污糟雞同蟲草花雞，丸類有鯪魚丸、豬肉丸，仲有馬拉糕、荷葉飯，蔥花卷，又有菜、粟米南瓜同香芋件，我同朋友樣樣都有叫少少嚟試，牛肉好好味，馬拉糕荷葉飯整完之後熱辣辣入口好正，最初朋友話咁樣整丸唔熟，好彩有呢到啲員工幫手，較好晒啲時間，入口剛剛好，放心晒最後仲有個粥，其實已經好飽，但點都要食，個粥最後都好大煲，啲粥好綿，味道好有層次，好似之前吃過嘅咩味都有最後捧腹咁走，滿足晒，又暖食又唔熱氣，感覺真爽!