養心殿台式養生鍋 (Closed)

得番10度既除夕, 原本想去試pancake, 但條隊太長放棄排隊,要轉場去打邊爐。因為時間尚早,6點就去食,唔駛排隊直入,坐低左就叫個美人鍋。美人鍋個湯底真幾足料, 一隻烏雞,鮮甜既龍眼肉, 啡色啫哩既桃膠(第一次食@@),幾種藥材等等。第一啖當然試下個湯先, 飲落有d藥材味, 幾健康, 味道偏鹹。食物就點左羊,牛 , 淮山面,蔬菜, 我覺得碟牛好普通,食落冇咩牛味,反而羊味道好出,仲要好食d 平d。蔬菜入面我覺得栗米最高質,非常清甜。整體幾好,但係用餐時間非常短,只有75分鐘用餐時間,未能好好享受火鍋,是本人人生中食火鍋最趕急的一次。