Video
Read full review
2024-08-12
160 views
《二世祖 - 大角咀》我有個好喜歡抹茶同朱古力既朋友，佢成日都好proud of 自己喺屋企沖既朱古力好好飲但就一次都無比我試過🙁而我心目中覺得香港最好飲既凍朱古力除左以前上環果間之外，就要數位於大角咀既Easy Joe 啦😌第一次試都講緊五年前，果種幼滑唔死甜又好香可可豆既凍朱古力真係幾好飲的🫶🏻今次就帶左呢位朋友黎食lunch 同埋試下呢度既凍朱古力，連佢都話我無介紹錯呀😋我地兩個人，前菜、沙律、主菜、甜品連飲品一共叫左六個items，而家餐廳做緊五週年優惠，凡惠顧主餐牌任何4款正價食品，最低價格果一款食品只需$1，全日都適用架😉💁🏻♀️檸檬牛油蜆 $98簡簡單單既調味，配上新鮮既蜆肉就已經好好味，呢個小食連個湯都可以飲埋的😋酸酸地但又帶出到蜆既鮮味，有一點蒜蓉牛油既香氣，蜆肉彈牙而且無沙，令人忍唔住一啖一隻清曬成碟蜆💁🏻♀️和風油醋汁虎蝦橙肉沙律 $128大熱天時食下沙律可以令個胃無咁heavy，呢個沙律配上酸酸地既醋汁同香橙肉，食落開胃清新，沙律菜都好新鮮，入面仲有羽衣甘藍同埋車厘茄，配埋大大隻既虎蝦肉，細食既人lunch食份沙律都夠飽架🥗💁🏻♀️自家製芥末洋葱醬炸雞窩夫 $1
我有個好喜歡抹茶同朱古力既朋友，佢成日都好proud of 自己喺屋企沖既朱古力好好飲但就一次都無比我試過🙁而我心目中覺得香港最好飲既凍朱古力除左以前上環果間之外，就要數位於大角咀既Easy Joe 啦😌第一次試都講緊五年前，果種幼滑唔死甜又好香可可豆既凍朱古力真係幾好飲的🫶🏻今次就帶左呢位朋友黎食lunch 同埋試下呢度既凍朱古力，連佢都話我無介紹錯呀😋我地兩個人，前菜、沙律、主菜、甜品連飲品一共叫左六個items，而家餐廳做緊五週年優惠，凡惠顧主餐牌任何4款正價食品，最低價格果一款食品只需$1，全日都適用架😉
💁🏻♀️檸檬牛油蜆 $98
簡簡單單既調味，配上新鮮既蜆肉就已經好好味，呢個小食連個湯都可以飲埋的😋酸酸地但又帶出到蜆既鮮味，有一點蒜蓉牛油既香氣，蜆肉彈牙而且無沙，令人忍唔住一啖一隻清曬成碟蜆💁🏻♀️和風油醋汁虎蝦橙肉沙律 $128
大熱天時食下沙律可以令個胃無咁heavy，呢個沙律配上酸酸地既醋汁同香橙肉，食落開胃清新，沙律菜都好新鮮，入面仲有羽衣甘藍同埋車厘茄，配埋大大隻既虎蝦肉，細食既人lunch食份沙律都夠飽架🥗💁🏻♀️自家製芥末洋葱醬炸雞窩夫 $148
主食我地揀左呢度幾出名既自家製炸雞窩夫🧇兩大件炸雞扒再配兩大件窩夫，上面既芥末醬唔辣的，可以落少少糖漿提一提味，又咸又甜既味道好特別😋💁🏻♀️阿祖朱古力心太軟配豆腐雪糕 $1
心太軟都係呢度有名既菜式，即叫即整，食品既造型好可愛👀有兩隻眼仔既紙牌插左喺雪糕上面，豆腐雪糕凍冰冰，用黎點熱辣辣流心既心太軟，味道十分合拍💁🏻♀️凍二世祖特濃朱古力 $48
我朋友都話呢度既朱古力好飲，飲落絲滑濃郁，但又唔會漿住喉嚨，隔左咁多年再黎飲都仲係同一個感覺😉$48大大支都幾抵飲，可惜無得外賣丫🥲💁🏻♀️抹茶沙冰 $48
當日好熱既關係，我就叫左個沙冰解解暑，抹茶粉甘香，呢杯沙冰唔係死甜果種，反而係有少少回甘果種甜，好大杯可以慢慢飲，呢杯都係我十分推介的👍🏻
Post
