鍋處

Open Now

Now Closed

冬天一到，打邊爐就係皇道，呢間鍋處都幾多人排隊，雖然都7點半，但仍然有好多人等緊，要臨走先影到門口。店內裝修光猛，採用日系裝修，以木材為主，比人一種柔和感。座位寛敞舒適，空間大冇壓迫感，四周非常乾淨，唔錯。餐廳分左定量套餐同任食放題，定量的話岩晒d胃口細嘅人，我覺得呢個set都幾貼心。我地呢d平時吞開大笨象嘅當然係要任食放題啦，揀左個美國極黑和牛set，價錢相宜。欣賞呢度係一人一鍋，湯底有壽喜燒、泡菜味噌、昆布鏗魚湯、九州豬骨、龍蝦湯、飛鳥牛乳湯等，可以揀自己鍾意嘅湯底，又衛生。我地揀左龍蝦湯同昆布鏗魚湯，湯頭都唔錯嘅，雖然唔濃郁但都有龍蝦香味。有前菜供應牛肉係任點的，同店員要求幾多盒就可以。牛肉質素都好高，肉質鮮嫩，油脂平均，牛味香濃，夠嫩又好重牛肉味。自助形式拎火鍋配料，選擇種類都算多，有唔同丸物、菇類同蔬菜，全部都好新鮮，蔬菜唔會乾。飲品選擇雖然唔多，但基本嘅汽水同茶都有。相比下甜品好吸引，有牛乳布甸、芒果布甸、和菓子、芝士餅同雪糕雪條，雪糕仲有movenpick，真開心。食飽行下outlet，冇野買都開心，可能遠離市區，呢餐食得好滿足，感覺好chill好舒服。