光榮冰室 (厚福街) (Closed)

人生第一間幫襯嘅光榮冰室，就係尖沙咀呢間店。雖然呢三年都有去過各區嘅光榮，但始終對呢間最有感情，原因？不言而喻。今次再嚟，本來想食煲仔飯，但係唔太肚餓，於是叫個之前從未試過嘅沙嗲牛肉煲仔麵。上枱時，煲入面啲麵仲滾下滾下，齋睇都覺熱辣辣。質素方面，雖然牛肉同公仔麵略嫌過腍，但係沙嗲汁就非常唔錯，味濃之餘唔會死鹹，加上份量足，成個餐連飲品都只係四十零蚊，凍飲仲唔使加錢（呢樣最正），性價比頗高，值得推介。