Chez Bistro (Closed)

最近返工積蓄左太多壓力只有食先可以解放到今次黎到銅鑼灣一間法式西餐去試一試樓上餐廳既高水準西餐，餐廳佈置簡約感覺好舒服燈光柔和的確減少左部份壓力令精神放鬆一下。而且餐廳好細心有食客生日會係黑板上寫上祝福句。前菜係蒜蓉白酒法國藍青口份量好多而且粒粒青口都開左口唔會有部份未開口，法國藍青口相比其他品種青口肉較細顏色較黃但肉質非常飽滿而且重海水味好鮮甜，蒜蓉白酒汁香甜配上青口鮮味令青口味更突出昇華。前菜後送上波菜蓉忌廉湯，帶磨菇味食材唔會打得太碎仲有少少口感忌廉味突出口感滑。主菜炭燒澳洲羊仔扒拼羊肉燒汁，羊仔扒有2件羊肉味唔會過重有膻香味得黎又唔濃，羊仔肉好嫩容易切開及咬開燒得外全熟內裏岩岩熟又唔會過火仍然可以鎖住肉汁，配菜精緻有特色既黃金椰菜花，bb西蘭花及甘荀味道無太大分別口感比平時更脆。甜品波蘿椰子糯米布甸，內裏係椰子奶凍做底一入口奶味比較重之後慢慢淡出椰香味，上層有波蘿雪糕波蘿味重而且有波蘿絲左內糯米飯係綠色帶少少斑蘭香味。