凝香園 (Closed)

田灣商場近排多左個美食廣場，而呢度進駐左一間賣香港特色嘅小食店—凝香園喇～～～大家對佢都唔會陌生，因為佢好多地方都有分店 佢哋所賣嘅係香港特色小食分別有咖喱魚蛋，魚肉燒賣，生菜魚肉，碗仔翅，格仔餅，雞蛋仔等。呢次我地叫左客魚肉翅，魚肉燒賣，咖喱魚蛋各一串，仲有一客雞蛋仔。本身呢度嘅碗仔翅都經已非常足料，每啖都能夠食到配料，依家加埋魚肉，令到除左原有爽口嘅配料外，添加一種軟滑嘅口感，口感頓時豐富左好多。雞蛋仔：即叫即整，熱辣辣，外脆內軟，入面非常飽滿，蛋味濃郁，甜味適中。魚肉燒賣食得出魚肉多過麵粉，所以都有魚味，配埋辣椒醬油，就更加惹味；咖喱魚蛋咖喱味好香，未食都聞到，魚蛋爽口彈牙，可以再加點辣椒油，令到魚蛋嘅味道更加突出。