龍泉私房菜

Open Now

Now Closed

難食到一個點! 母親節家姐訂枱食飯, 話呢間好出名好好食, 咁大家一齊去試試啦, 點知……能夠做到幾乎每一味都唔好食其實都好高難度! 生拆蟹肉扒金山勾翅 ~ 先講蟹肉, 成煲加埋都唔知有冇一隻蟹鉗份量! 翅好大梳, 不過超硬! 湯頭又淡! 蒸元貝 ~ 元貝係新鮮既, 不過好靭! 粉絲入味! 天下第一雞 ~ 4人份得半隻, 雞肉又嚡又靭, 好明顯係雪雞, 仲要係雪咗好耐! 花彫蛋白蒸蟹 ~ 重酒味, 蛋白都滑不過太水, 蟹有膏! 原隻鮑魚扣山珍海味 ~ 不。知。所。謂。鮑魚係酸既, 又硬! 花膠仔又硬又有砂又腥! 冬菇雖然厚, 不過都係有陣霉味, 成件事只能以 “不。知。所。謂。” 去形容! 招牌三式蝦 ~ 蝦新鮮, 蝦丸好實, 唔爽唔彈牙! 游水海斑 ~ 蒸得剛剛好! 魚新鮮, 魚肉好滑, 成餐飯最好味係呢碟! 瑤柱扒時蔬 ~ 瑤柱呢? 菜芯又生! 4人份, 大約每人一兩啦! 飄香炒飯 ~ 叉燒炒飯, 有點少油, 但味道不錯! 送甜品, 芒果布甸 ~ 應該唔記得落糖, 淡到幾乎無味道只有色! 能夠連芒果布甸都整得唔好食, 其實真係好難! 如果因為疫情無開舖做生意, 到開番的時候, 係咪