Video
Read full review
2016-03-12
245 views
行過見到開左間食麻辣粉既小店，環境雖然好一般，座位窄同唔舒服，都想試下多個選擇，支持下小店，估唔到會中伏！點左一份奇味雞煲$68，煲仔菜竟然用碟上，仲要好多骨得幾粒肉，味道似普通豉汁雞，唔多覺奇味，份量似小食多過似小菜加個麻辣牛肉面$38，上枱嚇一嚇，真係好細碗，牛展薄到一夾就散，冇牙都食到咁林pat pat，d面好幼，咬落去又粉又痴牙，勁奇怪，湯頭淡到水咁，要落辣油同其他調味先食得落酸辣青瓜$20最正常，不過只酸唔辣，又要加辣油，慶幸辣油係好食的成餐食完一浸風咁，百幾蚊雖然平，但其實去任何一間雲x香，譚x都好食好多，起碼可叫到成枱都係先，今餐真係好唔抵，去食宵夜先，堅肚餓！
行過見到開左間食麻辣粉既小店，環境雖然好一般，座位窄同唔舒服，都想試下多個選擇，支持下小店，估唔到會中伏！
點左一份奇味雞煲$68，煲仔菜竟然用碟上，仲要好多骨得幾粒肉，味道似普通豉汁雞，唔多覺奇味，份量似小食多過似小菜
加個麻辣牛肉面$38，上枱嚇一嚇，真係好細碗，牛展薄到一夾就散，冇牙都食到咁林pat pat，d面好幼，咬落去又粉又痴牙，勁奇怪，湯頭淡到水咁，要落辣油同其他調味先食得落
酸辣青瓜$20最正常，不過只酸唔辣，又要加辣油，慶幸辣油係好食的
成餐食完一浸風咁，百幾蚊雖然平，但其實去任何一間雲x香，譚x都好食好多，起碼可叫到成枱都係先，今餐真係好唔抵，去食宵夜先，堅肚餓！
Post
