金峰靚靚粥麵

Open Now

Now Closed

最鐘意食皮蛋瘦肉粥($18)，D皮蛋好好食，唔會好似平時咁有D怪味，D粥質感幾好，同埋好多料，不吝嗇。外賣腸粉會有獨立包裝的醬料，而唔係就咁jit 晒D醬落D腸粉度.服務方面，樓面非常充足，佢只有5張枱，但就有4個樓面，另加一個人專做外賣,故反應都幾快。不過廚房就差D啦，都有5條友，但得一個負責煮粥，其它分別係腸粉，炒面，傳遞等。煮粥果個就係度狂煮，其它人就棟晒係度，因為唔係個個都要腸粉既.如果整多幾個煲有多個人煮粥就可以快D啦.我今日去時係十二點半，果時都仲有位，但到佢整好我D外賣(前後十分鐘到)，已經迫爆，要開始等位啦。總括來說，這間是一間好味的食店，不過同好多其它同類一樣，如果順路經過或者係附近住就好囉，如果山長水遠特登來就無謂啦，因為食既時間可能只得十五分鐘，一食完就要起身走人，比個位下一個。