十二味 (奧海城二期)

Open Now

Now Closed

我好耐都冇來過奧海城，今日因為有朋友係附近返工，咁岩我哋兩個都夜收工，就決定不如食啲刺激啲嘅辣嘢，講吓講吓就決定嚟奧海城呢間十二味度食晚餐。今日大概八點嚟到，門口竟然仲有人排隊，不過好快都有得入座，坐低都係用QR code落單，十分之方便，加上呢度有提供冰檸檬水，所以食辣都唔怕！今日要左人見人愛酸菜魚，叫咗寬粉同小辣 ，價錢$276但係超大碗，好多塊魚，完全冇腥味，好新鮮，辣度剛剛好，加埋有少少麻辣，真係越食越過癮，不過最鍾意都係啲酸菜好好食，萵筍片亦都好多！干鍋要左小辣少油，另外要咗排骨仔，豬頸肉，牛片，土豆同油菜，咁樣加埋先$206，抵食啦！最後都要讚吓呢度嘅服務員個個都好好禮貌，同埋個個都笑面迎人，真係食得好開心！