Video
Read full review
2020-02-13
773 views
呢日下午就係同大媽同事出尖沙咀幫老闆買餅請同事食，老闆叫我發辦，話價錢唔係問題，最緊要係夠得體😄，所以我就揀我鍾意食嘅La Famille，去咗海港城Kiosk分店。我對上一次嘅散水餅同埋多次同朋友兩個人慶祝生日都係買La Famille，皆因個樣真係好靚靚😍，而且都幾好食，利申我鍾意食海綿蛋糕，無咁飽滯啊。一個蛋糕平均$5x，就咁食就梗係唔係平啦，但如果拎嚟同朋友慶祝生日🎉同打卡就唔同講法喇。🎂一個迷你嘅圓形蛋糕可以取代一個一磅起跳、又唔靚、又唔好食嘅連鎖店蛋糕，平一截之餘，份量兩個人食又啱啱好。老闆叫我買餅比四個人食，其實係計埋我同大媽😂，所以我就喺云云款式中揀咗四款唔同嘅，買返去同同事Share食。北海道南瓜可可($60)，呢個係新口味，上面嘅忌廉係用南瓜蓉🎃整成，唔太甜唔錯。整體嚟講，南瓜味都算突出，但就唔係好食到朱古力可可味。日本柚子($54)，呢個係人氣之選，🍋柚子味嘅蛋糕好清新，加上搭配唔同嘅水果，食落唔會有膩嘅感覺。另外，上面一黃一白嘅忌廉點綴得幾好睇。法國玫瑰($54)，呢個我會話係母親節之選，事關我母親大人生日，我都係買呢個同佢慶生，話哂有朵玫瑰花嘛🌹。再者，呢個蛋
呢日下午就係同大媽同事出尖沙咀幫老闆買餅請同事食，老闆叫我發辦，話價錢唔係問題，最緊要係夠得體😄，所以我就揀我鍾意食嘅La Famille，去咗海港城Kiosk分店。
我對上一次嘅散水餅同埋多次同朋友兩個人慶祝生日都係買La Famille，皆因個樣真係好靚靚😍，而且都幾好食，利申我鍾意食海綿蛋糕，無咁飽滯啊。一個蛋糕平均$5x，就咁食就梗係唔係平啦，但如果拎嚟同朋友慶祝生日🎉同打卡就唔同講法喇。🎂一個迷你嘅圓形蛋糕可以取代一個一磅起跳、又唔靚、又唔好食嘅連鎖店蛋糕，平一截之餘，份量兩個人食又啱啱好。
老闆叫我買餅比四個人食，其實係計埋我同大媽😂，所以我就喺云云款式中揀咗四款唔同嘅，買返去同同事Share食。
北海道南瓜可可
$60
26 views
0 likes
0 comments
北海道南瓜可可($60)，呢個係新口味，上面嘅忌廉係用南瓜蓉🎃整成，唔太甜唔錯。整體嚟講，南瓜味都算突出，但就唔係好食到朱古力可可味。
日本柚子
$54
23 views
0 likes
0 comments
日本柚子($54)，呢個係人氣之選，🍋柚子味嘅蛋糕好清新，加上搭配唔同嘅水果，食落唔會有膩嘅感覺。另外，上面一黃一白嘅忌廉點綴得幾好睇。
法國玫瑰
$54
24 views
0 likes
0 comments
法國玫瑰($54)，呢個我會話係母親節之選，事關我母親大人生日，我都係買呢個同佢慶生，話哂有朵玫瑰花嘛🌹。再者，呢個蛋糕真係好濃玫瑰花香味(大媽話香到似番梘XD)，唔錯，係可以encore之選！
青心蘋果吉士紅茶
$54
26 views
0 likes
0 comments
青心蘋果吉士紅茶($54)，呢個亦都係新口味，青心蘋果肉🍎就幾好食，食落有啲似白桃添；但我略嫌忌廉過多，蓋過咗紅茶嘅味道，有點美中不足。
英國伯爵茶
$28
14 views
0 likes
0 comments
英國伯爵茶(切件)($28)，因為想食埋Earl Grey味🌿，所以買嚿切件嘅食下。其實無Cream嘅蛋糕更食得出本身蛋糕嘅味道🙈，伯爵茶味都幾正。
總括嚟講，La Famille嘅蛋糕再一次無令我失望，佢嘅蛋糕絕對係大家閨秀，美貌與味道並重🤣，又不失貴氣，不過如果蛋糕入面嘅忌廉可以少返啲就更好。除咗呢個Size嘅蛋糕仔外，其實仲有大蛋糕同巴洛伐圈賣的，有機會多人食嘅話都可以預訂個大蛋糕試下😉。
Post
