Explorer Fusion Restaurant (Closed)

去完日本後一直都好掛住日本菜，睇到人地推薦這間日本fusion菜一於試下！什莓沙律配哥根蘇拿芝士今日叫既前菜十分fresh, 雜莓包括士多啤梨，藍莓，大大好新鮮，配埋特製既沙律醬汁，酸酸甜甜十分開胃。反而那個哥根蘇拿芝士，第一次試中間好像有點黑黑的比較苦，我真的不太懂得欣賞。特選壽司盛盒包括有三文魚腩，油甘魚各2件，牡丹蝦，吞拿魚腩，帶子，海膽各一件。壽司真系好新鮮，職員指他們的材料都是從外國航空直運的，每天都新鮮運倒。三文魚腩，油甘魚油脂和肉比例剛剛好，牡丹蝦彈牙，帶子入口即溶。平時我好少叫海膽因為唔新鮮既會好腥，但呢個真系好新鮮有海膽獨特的香味。炸生蠔配明太子沙律醬炸生蠔外脆內軟！出面既炸粉系用木糠在外圍包住炸，炸的時間控制得剛剛好，唔會過火，所以入面既生蠔唔會過熟，有口感亦有鮮味。真系好想食多舊，不過數目太少了。明太子沙律醬咸咸甜甜，竟然同炸生蠔好夾。