刈Bao台式創意小食 (Closed)

［葵芳］刈Bao台式創意小食.綜合5號(鹽酥雞配香芋地瓜球)食剩指數 0/100佢地鹽酥雞炸得好香脆食落又唔會好油膩仲有我最愛既孜然粉😍.本身我都鍾意台灣既地瓜球估唔到加左香芋餡又幾好甜度剛剛好外脆內軟香既感覺而且香芋同地瓜既味道出奇的夾算係好驚喜.一兜薯花(辣茄芝士)食剩指數 : 0/100外表好靚😍炸到成朵花咁表面微脆入面好滑加左芝士都唔會膩辣茄味唔會好辣食唔到辣都無問題.【虎咬豬】刈包古早味腩肉 / 黑松露雞食剩指數 : 0/100古早味腩肉既醬汁有黑醋既感覺所以一啖咬落塊肥豬肉都唔會滯!入面既花生粉同香菜食落又幾似台灣食既不過佢比起傳統既無咁油～刈包味道甜甜的口感軟熟.至於黑松露雞感覺係比較新式既配搭黑松露味好香雞肉配沙律醬個味都好夾個人係覺得比較似食緊漢堡包😂無諗過有咁新奇既刈包.檸檬冬瓜茶食剩指數 5/100覺得檸檬味搶左啲~冬瓜茶既味道掩沒左（平時飲慣好甜既冬瓜茶）不過係食完咁多炸野既情況下覺得幾解膩