Video
Read full review
2017-12-25
5474 views
趁假期相約老友聚舊，由於友人之後要過大海歡渡聖誕，所以提議大家一齊去上環搵食。友人說自從上環「鳳城酒家」由康威花園地下搬咗過去干諾道西之後，還沒有空檔到訪，既然這樣，就一於趁今次去試下新舖嘅水準。由於這天是週末，加上長假期嘅關係，所以午市都幾旺場。先細看點心價目表，小點：$22、中點：$27、大點：$32、特點：$37、頂點：$48，茗茶每位：$10，不過早茶、下午茶、星期六日及公眾假期有特價，大中小點一律 $21.8，茗茶就每位 $7。至於點心類別就有：蒸點類、煎炸類、手拉腸粉、燒味小食及主流甜品等。另外亦有多款「精選小食推介」同「假日特價粉麵飯」可供選擇。先嚟兩款香口點心，有鮮蝦腐皮卷 ($21.8) 同鳳城高湯炸粉果。腐皮卷新鲜即炸，送上檯時仍熱騰騰，一口咬下，腐皮鬆化而不死實，又薄又酥，蝦肉充滿彈性，能嘗到明顯的蝦肉甜度，沾上微酸的喼汁，好吃又開胃。鳳城高湯炸粉果 ($21.8)，炸粉果是店裡的招牌作，當然是必點之物。先將粉果放在溫熱的上湯內浸一浸，外皮香脆鬆化，裡頭的蝦夠大隻，入口不油，即使浸過湯後仍有酥脆效果，好吃！接著是鮮蝦豆苗餃 ($21.8)，豆苗餃細細粒，外表晶瑩
趁假期相約老友聚舊，由於友人之後要過大海歡渡聖誕，所以提議大家一齊去上環搵食。友人說自從上環「鳳城酒家」由康威花園地下搬咗過去干諾道西之後，還沒有空檔到訪，既然這樣，就一於趁今次去試下新舖嘅水準。
由於這天是週末，加上長假期嘅關係，所以午市都幾旺場。
先細看點心價目表，小點：$22、中點：$27、大點：$32、特點：$37、頂點：$48，茗茶每位：$10，不過早茶、下午茶、星期六日及公眾假期有特價，大中小點一律 $21.8，茗茶就每位 $7。至於點心類別就有：蒸點類、煎炸類、手拉腸粉、燒味小食及主流甜品等。另外亦有多款「精選小食推介」同「假日特價粉麵飯」可供選擇。
先嚟兩款香口點心，有鮮蝦腐皮卷 ($21.8) 同鳳城高湯炸粉果。腐皮卷新鲜即炸，送上檯時仍熱騰騰，一口咬下，腐皮鬆化而不死實，又薄又酥，蝦肉充滿彈性，能嘗到明顯的蝦肉甜度，沾上微酸的喼汁，好吃又開胃。
鳳城高湯炸粉果 ($21.8)，炸粉果是店裡的招牌作，當然是必點之物。先將粉果放在溫熱的上湯內浸一浸，外皮香脆鬆化，裡頭的蝦夠大隻，入口不油，即使浸過湯後仍有酥脆效果，好吃！
接著是鮮蝦豆苗餃 ($21.8)，豆苗餃細細粒，外表晶瑩剔透，入面餡料比例拿揑得恰到好處，有蝦、豆苗同瑤柱，咬下去能感受到菜汁融和著蝦的鮮甜。
鮑汁鳳爪 ($48)，單睇賣相已知掂，而且價錢大眾化，用的是鮮雞腳，骨膠十足，食落既黏口又腍滑，煮得非常入味，配上香濃的鮑汁，啖啖鮮美。
壓尾點咗薑粒雞粒炒飯 ($48)，碟飯炒得幾有水準，夠乾身，香口不油，而且雞粒下得夠慷慨，唯一就是稍嫌薑粒落得唔夠重手，不過整體味道都算唔錯。
Post
