鳳城酒家 (干諾道西) (Closed)

鳳城酒家系列基本上都唔需要多介紹，我相信很多朋友都十分欣賞他們的出品特別係本人自愛的炸子雞和桂花魚卷。本來今次也沒有特別想寫食評，但是因為疫情更也很少機會都鳳城，所以今日難得去探望阿辣爸，選址在附近的鳳城酒家食個快飯，順便也記錄一下他們的出品。食物繼續合口味，我也不會逐一介紹，大家都可以看圖識字。特別想講的會是平時很少點的炸蟹鉗，懷念中繼續出色。另外就是那個竹笙卷，雖然軒汁非常漿糊，但是老飯店就是這樣出品，算是達標吧。

又同我好鍾意飲茶嘅朋友出去食嘢，一有機會佢就話要飲茶╮(￣▽￣"")╭ 於是乎我哋喺中環搵呀，點都搵唔到合適嘅茶樓，結果唯有坐車去咗近近哋嘅上環鳳城。 去得鳳城，就梗係想食佢哋嘅懷舊點心。我哋叫咗炸粉果。OK嘅，佢哋係即刻整熱辣辣，不過感覺佢哋用咗好多梳打粉(為咗令佢鬆脆)。 鮮竹卷、雞扎同埋燒賣，佢哋都交足功課，唔出色但我冇咩特別挑剔。 反而係佢哋嘅灌湯餃，個樣就好似好正宗，但係一拎起佢就穿。唔緊要，最緊要好食。點知。。。食食吓發現佢裏面嘅湯根本就未解凍得切，仲係一舊一舊啫喱咁，扣晒分。 灌湯餃呢個問題，喺銅鑼灣同埋上環都係咁，裏面啲湯仲係結成一舊舊。我會去埋佢哋嘅北角分店試吓，睇吓係咪師傅嘅問題。

今日一行6人，估唔到會有房坐，仲有埋電視😍！今次叫左炸子雞仲有四連環（點心，炒麵，菜同埋小食），普遍啲菜都有小小鹹🤔🤔味精味有啲重，夠香既，不過勝在環境不錯！🤣🤣

差、差、差。沒有最差，只有更差。連最基本客戶服務都做唔到。見到佢有個二人套餐，咪去幫襯吓，二個人訂咗枱，一入門口個知客掛住同人傾計，連招呼都唔理，帶位都唔做。到我哋落單，只係問我地係咪用優惠券，跟住就同我地落單，點知半個鐘頭都冇餸出，落單個伙記行來行去見你冇嘢食都時運高-睇唔到。最後忍唔住叫佢check 單，發覺根本都冇落單，連一個對唔住都冇。呢啲舊式酒樓，全場得四個伙記，傲慢態度絕對可以感受到，作為消費者，貼錢都唔會再來。

之前看youtuber 介紹好像ok、也看它有幾家分店想說應該ok、看到有折扣卷、所以週末到中環、特地到上環跟家人去用餐、一進門聽到我們有使用折扣卷、態度就蠻差、使用前有詢問2次使用規則、但都沒有說明、吃完結帳時發現金額不對、問店家怎麼用折扣卷比walk in還貴？店家直接說所以下次walk in就好、直接給了名片、那⋯不知道為何要出折扣卷、最後就是消費完比walk in貴、然後態度還很差⋯那天是我提議去所以覺得對家人抱歉⋯不會再去了

又係辛苦返完通宵更啦，梗係要慰勞一下自己啦，今次拉埋同事一齊去上另外一間懷舊嘅酒家，就係鳳城酒家啦！我哋兩個人叫咗七樣嘢食，都唔算等得太耐，好快就一次過上晒啲野食，又可以同一時間試晒咁多樣野點心..... 我地邊食邊傾偈，原來發覺我哋叫嘅點心，大部份嘅都有蝦，有鮮蝦菜苗餃，布拉腸粉，百花釀西蘭花，上素蒸粉果，鳳爪，三色炸件（春卷，明蝦角，腐皮卷），仲有一樣就係懷舊嘅鳳城水餃....總括嚟講樣樣都唔錯下次可以再拉埋同事一齊去試埋其他懷舊食品

疫情以來, 好耐無同 D 朋友聚舊, 難得呢晚朋友提議近住自己返工地方食飯, 當然第一時間應承, 朋友揀左上環呢間鳳城, 而且還一早就選好了 4人套餐, 套餐有 5菜 1點品 ! 首先要講係呢度既服務態度真係超好, 非常友善細心, 每上一個菜都會話個菜名你知, 而且最好就係差唔多食完一個菜, 佢地先上另一個, 咁就唔會凍哂, 到食完最後一個菜, 用過既碗碟都收好, 佢唔會即刻上埋個甜品, 佢會隔 5分鐘以上先埋來問下大家, 甜品可以上得未, 等大家食完有 D 時間休息一下 ! 食物方面, 以咁經濟既食物來講, 無任何既花巧, 賣既係煮功同埋味道, 自己覺得最好食係炸子雞, 雞皮好脆, 但依然保持到雞肉 juicy 好味而唔會又乾又, 而另一樣係鮑魚鵝掌, 鮑魚煮到岩岩好, 咬口非常好而且夠味, 鵝掌炆到岩岩好, 唔會太淋有口感又入味, 最後係甜品, 焗西米布甸, 唔會過甜, 夠熱, 所以要慢慢食,  而且呢份四人餐係絕對夠 4個大男人岩岩好, 如果細食 D 既就分分鐘要打包走 !  

為慶祝我倆成功打大佬，決定飲個茶賀一賀佢🍻假日關係，大中小點一律 ＄21.8!!要叫到成枱都係點心咁先高興🕺🏻🕺🏻🕺🏻(我地係食得晒既，無做大嘥鬼，放心)灌湯餃好好味！有別於坊間用湯浸住，佢係一大隻餃包住d 湯，裡面就好似冬瓜盅杰身左既汁料，非常巧手！！炸蝦角唔係到到有得食，見到一定叫!好好味！外皮酥薄乾身，一d 都唔油！👍🏻👍🏻👍🏻蝦肉爽口多汁，真係超好味🤤🤤🤤黎鳳城都係食番佢既傳統野好，所以小籠包就好普通，d 餡料好鞋口，小籠包內係有湯汁，但整體感覺好一般，都係留肚食佢其他出色野。鯪魚球彈牙有魚味，推介！燒賣欠左冬菇粒唔夠香，豆苗餃都普普通通。腸粉唔夠滑流，蓮蓉西米布甸就不得了！西米發到夠晒淋，雞蛋非常香，底下既蓮蓉甘香細滑，同布甸好夾，味道偏甜，但細細碗食落又ok, 我鐘意！流沙包個餡做得非常好，非常有蛋黃香，趁熱食，凍左都會流心，但個包會硬左就唔夾。傳菜同落單職員都係老師父，我相機食先，d 師父仲叫我慢慢影，好攪笑，好親民！最後，溫題，記得 check 單。

鳳城 is my favourite yum cha place in Hong Kong! The dimsums here are all so high quality yet at a highly affordable place!-The curry squid is wonderful! The curry isn’t spicy, and the squids are very crispy and smooth! -The soup dumplings are REALLY REALLY delicious!!!! I can’t describe how good it is! The skin / wrap is paper thin, so you have to be really careful when you slide the soup dumpling from the bamboo basket to your own bowl! Then, have a tiny bite of the skin, and brace yourself for

今晚原本想去上環海港開飯，8pm去到門口...人頭湧湧，有大有細唔知等幾耐，轉移陣地，去鳳城望望有無位，見到個場，真係差天共地，「吉」枱多的是，真係咁差？坦白講，之前都有幫襯，但選擇真係比較少。全家人都鍾意食海鮮，對河鮮真係一般；當然最重要係味道，鳳城以小炒同順德菜為主，但水準唔夠隱定，上次食過麻麻，所以好耐無幫襯，今晚食完，大家異口同聲講，短期可再光顧！全家人，五大一小，叫左五餸一羹加甜品，埋單$966，部分菜式在6月前有折扣優惠。整體每樣都可以；小炒選擇比以前多，唔會食嚟食去都係淡水魚，炒鮮奶等等。要數最差的一道菜、就係焗桶蠔，呢個正正就係我上面提及嘅「水準唔夠穩定」的代表作！一入口，成口油，成舊粉槳喺口，賣相比較差，連少少綠色的蔥段都無⋯可能我呢個師奶都煮得好食過佢，呢個餸有D失望！

老遠走來上環，主要係想尋找昔日的味道，今日（15/5/2020）早上，來到鳳城酒家係想食灌湯餃。第一次來這酒家，十分細，只有二十餘張枱，入內，無人招呼，要自己搵位，但枱枱都有客，唔想企在枱邊等位，又無人理，真係想走，後有一女士講，飲多口茶就走，就等多一陣。特價點心紙有孖寶，點了兩個，每份$22.8，但當中一定要點皮蛋瘦肉粥或鳳爪排骨飯，選了鳳爪排骨飯，再配干蒸牛肉燒賣及薑粒雞包仔，另再加了蜜汁叉燒包及豬肚雞燒賣，全部都是普通貨色。最失望是正價的灌湯餃，等了二十幾分鐘先有得食，很熱及多湯，但饀料及湯汁味道麻麻。預備埋單之際，見鄰枱有張粉紅色紙，攞來一看，原來有點心拼盤，特價$17.8，有五款點心，但我張枱無此拼盤紙，好興。最值得一讚是酒家的牙籤，真是無幾多間酒家會咁用心。

今日心血來潮，一早去了干諾道西的鳳城酒家。疫情下的黃金假期，老店午市大部分為日常的老客顧。友人期待已久的懷舊灌湯餃，果然沒有令人失望！焗西米布甸，不過不失。蒜香鮮蝦春卷，不油不膩。香脆魷魚鬚，略嫌炸燶了一點及沒有魷魚味。順德家鄉蒸粉果及香煎蝦米腸粉也很不錯。下次要試吓隔離枱的剁椒蒸魚雲，看似好好味！整體食得開心滿意，地方點方便，食畢順道逛了一逛上環海味雜貨店，收獲滿滿！(ps 不過廁所要好好跟進，滿地是水，不知是否水管漏水！😓）

相約友人於上環食飯，選擇了這間老字號飯店。本人多年前幫襯過位於太子的鳳城酒家，印象很好，上環分店是第一次試。一坐下，職員主動有禮地詢問喝甚麼茶，還問冷氣是否夠凍，服務不錯。由於我們三人都不太肚餓，只叫了三個小菜，白飯、甜品都沒吃。店員多次推介糖水，但實在太飽，吃不下！我們點了有名的窩貼大明蝦，好味！另外還點了生菜鯪魚球煲，一般！及欖角焗肉排，好一般，無甚麼肉味，又太肥！有點失望！整體來說，以上三個小菜，只有窩貼大明蝦值得試！

早排同屋企人食晚飯，當然揀佢哋最鐘意嘅中菜啦，而且亦都想滿足下自己，想食返之前係到食過嘅鳳肝金錢雞😋-首先上枱嘅係淮山杞子雞腳燉螺頭，我同媽媽都係湯怪，表示煲湯夠哂足料，而且味道夠鮮💓 接著就係期待已久嘅鳳肝金錢雞！依道菜唔係話想食就有，要提前打去預訂，而坊間都比夠少見到，所以顯得特別矜貴😍 依款順德菜係用一塊肥肉，一塊瘦肉加一塊雞肝組合而成，入口味道好濃郁，而且油香十足，好邪惡😛 燒味雙拼(燒肉拼叉燒) 發揮一貫正常水準，燒肉皮好脆，叉燒亦都肥瘦適中。海蜇拼生腸係會食唔停口🤣 爽脆嘅口感加上陣陣嘅麻油香，真係一口接一口！好特別嘅係依到嘅海蜇比較粗身同厚身，食落更加爽口。鍋貼大明蝦(6隻) 其實同蝦多士差不多，炸得好脆口，蝦肉爽彈，兩者加埋亦都係無得輸，會食上癮😂桂花炒魚翅炒得幾有鑊氣，炒得幾乾身而且蛋唔會老！最後又點可以唔叫甜品呀~ 焗西米布甸個奶味幾香，而且即焗夠哂熱辣辣，係甜左少少，食到後期會有少少漏🤭

今日泥到上環總店鳳城酒家，雖然鋪頭唔算好大，但坐落都好闊落舒適。餐廳主打順德傳統德菜，其中一道招牌菜鳳肝金錢雞，傳統嘅做法喺香港已經唔多見，竟然喺呢度仲食到，不過想食嘅朋友就要提早預訂喇！將叉燒，鳳肝，肥豬肉疊起，口感香滑有層次海蜇拼生腸每舊都大大舊好有咬口，生腸偏咸，配海蜇食可以中和返。另一道幾有特式嘅鍋貼大明蝦，多士經油炸，食落香脆，蝦身彈牙口感十足。食順德菜必點嘅蜆芥鯪魚球，散發陳皮香，食落熱燙有魚味。最後飲返啖淮山杞子雞腳燉螺頭湯暖暖個胃，螺加雞腳味鮮甜吊味，屬於補身之選！