蟹麵館 (Closed)

先去 The One 食個 Grand 自助餐，接住到頂樓飲兩杯，無地方去。想黎試好耐，恰巧出開黎又有時間。左睇右睇，求期叫一堆招牌菜。薑汁薏米水，味道好似即沖飲品，有少少薏米清爽味，加埋冰透心涼，但可憐地嚐不到薑汁味道。手拆蟹肉泡飯，報導中每日靚蟹新鮮運到，整返口便知龍定蟲。賣相都滿意，但硬係感覺不到靈魂，還有蟹湯是淺黃帶啡的嗎？淨嚐一口湯，甜味濃厚，蟹味嗆喉而混濁，連飯帶肉齊齊吃，都合格的，比預期中差點點。蟹肉無味？泡飯蠻滿意。酥炸蟹肉雲吞，完全食唔到蟹肉味道，普通炸雲吞一樣，不算鬆脆而且韌韌地，油炸味濃而單調，麻麻地。鮮蟹肉干燒伊麵，我還以為係蟹肉芡淋上伊麵，不是撈伊來的嗎？干燒伊麵索得蟹味濃濃、甜醬油味都是濃濃，非常重調味，氣味湧住衝入鼻孔，佔據全身每一細胞。蟹肉份量都不少，捲到大大注塞得嘴滿滿，每條伊麵都沾上蟹肉，伊麵巧巧巧彈又夠長又完整，好味喎！只係落味極重罷了。炸百花釀大蟹拑，香就好香，但炸得太燶喇，外層好硬兼刮口，裡面還可以，唔知翻炸左幾多次，味道彌漫著即食炸蟹鉗味道，雪藏無鮮味，粉多唔彈牙，一般。鮮在那裡？找不出來。每道菜既味道大同小異有點悶。蟹味濃到似精油，濃厚混濁