洋麵屋 五右衛門 (Closed)

五右衛門……經過屯門好幾次都冇衝動去試！因為屯門太多選擇！今晚去咗淘大搵嘢食就比門口吸引住！即管一試！因為小弟依一年開始戒肉所以搵食就比較麻煩！打開餐牌發現選擇好多但奈何素食就冇乜最后居然比我發現哥干羅拿什芝士日式燴飯$88朋友就叫咗忌廉蝦肉蟹肉意大利麵$88當我落單時再問燴飯是否冇肉但原來裡面係有煙肉好在最后都可以走肉！正！等了十五分鐘就到！快！燴飯賣相不吸引……望落去份量亦好少！但意粉頗為吸引用筷子食也很特別！燴飯濃濃芝士味加上有薯仔原來份量非常足夠，飯嘅軟硬度適中！洋麵屋居然都可以有d咁正嘅飯食！甜品時間樱花抹茶芭菲 主菜加$30賣相超正……非常吸引！那塊勁可愛嘅熊仔餅真係一絕！非常簡單的一個甜品原來都可以做得咁出色！雖然真係冇咩素食選擇！但一道菜同甜品已經足夠！(小小意見:發現日式餐廳最大特色就係員工每次講歡迎同再見都比較大聲，員工同員工對話都一樣。但員工非常有禮貌）