Video
Read full review
2010-05-29
7 views
經過一晚係紅磡o既衝鋒陷陣, 肚皮已經脹了... 哈哈.. 不過壽星公隨口up話如果可以食埋 同埋 就perfect 喇.. 於是亂打亂撞, 去左係差館里新開左一排o既 - 糖蓮子.睇下個水牌, 嘩~~竟然有 [ 梳乎里 ] 喎. 點可以唔入去呀... 可能位處後街, 比較小人發現, 唔係咁多人咁... 友人重點叫左原味梳乎里, 我就揀左草莓芭菲 - 紅粉佳人, 另一友人就叫左朱古力蛋糕伴雪糕 ("Valrhona" Ugly Chocolate cake & Ice-cream)因為唔想成日食朱古力味, 又想清d, 所以叫左草莓芭菲. 等左一陣, 佢係第一個送上, 好靚o既賣相, 有個脆脆朱古力卷, 有好多薄脆, 又有奇異果, 士多啤梨, 同罐頭蜜桃, 係草莓雪糕上面仲有d朱古力粒粒(食左先知係脆o既).其實只論外表都已經好出眾, 因為個賣相好嚴謹, 點知食左兩口雪糕... 不得了呀... 好好味呀, 雪糕唔係咁甜, 又唔係平時食開d士多啤梨雪糕味, 好似新鮮生果咁, 而且雪糕裡面仲有鮮士多啤梨果肉, 三個人一齊食, 一路食一路讚好.. 真係好難得.. 食完雪糕興奮完, 梳乎里就
於是亂打亂撞, 去左係差館里新開左一排o既 - 糖蓮子.
睇下個水牌, 嘩~~竟然有 [ 梳乎里 ] 喎. 點可以唔入去呀... 可能位處後街, 比較小人發現, 唔係咁多人咁...
友人重點叫左原味梳乎里, 我就揀左草莓芭菲 - 紅粉佳人, 另一友人就叫左朱古力蛋糕伴雪糕 ("Valrhona" Ugly Chocolate cake & Ice-cream)
因為唔想成日食朱古力味, 又想清d, 所以叫左草莓芭菲. 等左一陣, 佢係第一個送上, 好靚o既賣相, 有個脆脆朱古力卷, 有好多薄脆, 又有奇異果, 士多啤梨, 同罐頭蜜桃, 係草莓雪糕上面仲有d朱古力粒粒(食左先知係脆o既).
其實只論外表都已經好出眾, 因為個賣相好嚴謹, 點知食左兩口雪糕... 不得了呀... 好好味呀, 雪糕唔係咁甜, 又唔係平時食開d士多啤梨雪糕味, 好似新鮮生果咁, 而且雪糕裡面仲有鮮士多啤梨果肉, 三個人一齊食, 一路食一路讚好.. 真係好難得..
食完雪糕興奮完, 梳乎里就到, 個樣好得, 不過友人影完相之後, 個山就已經縮左水.. 於事那那林食左個皮先, 脆脆地, 入面就好滑, 入口即溶, 食左好似無食咁... 哈哈.. 不過相比之下, 就比個紅粉佳人比下去...
最後等多十分鐘, 先上最後o既朱古力蛋糕伴雪糕 ("Valrhona" Ugly Chocolate cake & Ice-cream). 呢個又可以講下個賣相, 又係好有心機喎. 雪糕球做公仔頭, 兩粒朱古力粒粒做眼, 仲有一對新鮮葉做頭髮, 好有酒店級數....
先食一小口o既雪糕, 嘩~~ 雪呢嗱味好濃, 再試一口朱古力蛋糕.... 好好好濃朱古力味, 而且仲係暖架, 好好味呀, 呢個又係一路食一路讚, 最尾差d連個碟都 lai 埋... 哈哈... 如果加埋個軟朱古力心, 友人想食心太軟o既願望都圓埋...正.~~
想唔到係差館里新開左間咁高質素o既甜品店, 真係要大力支持...
其間仲見到一個藝人專登駕車到門口外賣甜品, 果然識食...
Post
