摩豆 (Closed)

先講金莎格仔餅 - 佢個餅同食開嘅質感有啲唔同，冇咁鬆，比較彈牙；所謂金莎涵剩係食得出榛子醬味，滿滿嘅醬食落都算可口再嚟到蝦乾肉鬆雞蛋仔 - 話分大辣小辣，講明堅辣就試下少辣。點知都仲係辣到顛！食到成頭汗夠晒刺激！肉鬆份量可以，偶爾咬到蝦乾尚算咸香。後記： 雞蛋仔同格仔餅都足料，食完幾肚。雖然個雞蛋仔較重口味，但頗有新鮮感，唔錯。