Video
Read full review
2009-12-13
3 views
小弟既目標係食盡全港既日式放題，琴晚又出動了！本身見到網友話呢間野唔掂，咁又見到佢有優惠券，都不妨去試試！我已經係兩點幾左右訂位，但係都已經得番六點同七點九，睇黎生意都唔錯。我地好準時咁係六點到左，之後佢安排左一張獨立枱比我地，唔駛同人地「對食」，認真唔錯！坐低無耐，就有人黎問駛唔駛加打邊爐，同埋有無公司優惠券，大家記得要拎曬優惠券比佢地啊，如果唔係比錢個陣就唔算數。我好欣賞佢地會提番，海膽優惠券係要加番服務費八元八角既，咁樣可以避免好多不必要既爭論。佢地真係好多野食，中式、日式、韓式、火煱咩都有，我特別推介佢幾樣野：（一）刺身：真係幾新鮮，同埋跟足份量（你寫五塊佢比足你）；（二）清湯腩：佢ｄ牛腩真係整得幾「淋」；（三）大蜆：打邊爐個邊既，好有口感；（四）雞軟骨：要再讚，因為炸到好好，又有口感；（五）多春魚天婦羅：炸得唔會太油，而且ｄ春好大條；（六）八爪魚前菜：好大隻，同埋好新鮮有口感；（七）海膽：呢個要用優惠券或者就咁叫，唔腥同幾滑；（八）酒浸雞翼：浸得幾入味，不過唔好食得太「深入」，因為入面紅紅地；（九）花之戀：ｄ三文魚好大塊，仲有成兩片添。好啦！讚完佢既好野，小弟亦都要講下「五大
本身見到網友話呢間野唔掂，咁又見到佢有優惠券，都不妨去試試！我已經係兩點幾左右訂位，但係都已經得番六點同七點九，睇黎生意都唔錯。我地好準時咁係六點到左，之後佢安排左一張獨立枱比我地，唔駛同人地「對食」，認真唔錯！
坐低無耐，就有人黎問駛唔駛加打邊爐，同埋有無公司優惠券，大家記得要拎曬優惠券比佢地啊，如果唔係比錢個陣就唔算數。我好欣賞佢地會提番，海膽優惠券係要加番服務費八元八角既，咁樣可以避免好多不必要既爭論。佢地真係好多野食，中式、日式、韓式、火煱咩都有，我特別推介佢幾樣野：
（一）刺身：真係幾新鮮，同埋跟足份量（你寫五塊佢比足你）；
（二）清湯腩：佢ｄ牛腩真係整得幾「淋」；
（三）大蜆：打邊爐個邊既，好有口感；
（四）雞軟骨：要再讚，因為炸到好好，又有口感；
（五）多春魚天婦羅：炸得唔會太油，而且ｄ春好大條；
（六）八爪魚前菜：好大隻，同埋好新鮮有口感；
（七）海膽：呢個要用優惠券或者就咁叫，唔腥同幾滑；
（八）酒浸雞翼：浸得幾入味，不過唔好食得太「深入」，因為入面紅紅地；
（九）花之戀：ｄ三文魚好大塊，仲有成兩片添。
好啦！讚完佢既好野，小弟亦都要講下「五大禁叫系列」：
（一）海蜇：佢用埋ｄ騎呢醬撈埋黎整，搞到有陣怪味；
（二）壽司：其實佢唔係難食，而係ｄ飯太大個同硬；
（三）串燒：佢落得太多醬，搞到好咸，而且有點難食；
（四）三文魚骨：真係「骨」黎嫁，無肉食；
（五）肥牛：火煱系列，不過太肥了，成塊都係肥膏。
我好欣賞呢間放題既侍應，佢地收碟真係收得好快手，又真係「有求必應」，例如我地叫佢地收爐，雖然侍應甲唔得閒，但係佢地會即刻叫侍應乙跟進；同埋佢地都好醒目，好快睇到我地有吉碟，或者火煱唔夠湯，即刻派人黎幫手。
未到七點，ｄ位都已經爆得七七八八，ｄ客大多數都係訂位，我地由六點食到八點都係得一家人係即場等位，所以大家最好訂左位先。另外，佢地真係好準時咁問你last order，必定係早半個鐘，所以點野食要夠快，同埋千萬記得寫低枱號，如果唔係佢地唔會落order。美中的確有不足既，就係漏單情況幾嚴重，因為侍應係跟住張紙既野入單，加上我地用鉛筆寫，所以佢地好容易睇漏，又或者成張紙整跌左／唔見左，所以如果你發覺ｄ野食黎唔齊，與其不斷追佢，不如寫過張好過～～～
整體而言，呢間放題真係好有心做，不過始終人多手腳亂，如果大家想食得開心ｄ既，最好都係平日去啦～～～臨走佢會送現金券同海膽券，到時記得拎啦！
Post