有間串燒 (Closed)

30幾度都忽然興起想食串燒 朋友之前食過一次介紹 去到見到舖面其實唔算太大 見已經入邊有兩枱 焗住坐門口 其實真心覺得好熱 但都一場黎到就坐低 唔知係咪算比較早食 六點幾七點開始 見佢外賣單唔算太多 所以啲嘢食都唔算等得耐 上嘢食嘅時候入面張枱都埋單 可以坐入去涼冷氣仲正 啲串燒出乎意料好食 雖然唔算話太大串 價錢覺得有少少偏貴 一串安格斯肉眼要$38 但食完真係覺得正嘅 所以又再嗌左一轉 兩個人$230 都食到飽飽咁走 唯獨是就係舖頭職員仲多過啲位 如果想堂食可能都真係要早啲 如果唔係就要外賣啦