村爺爺車仔麵 (Moved) New Location

下午茶想食車仔麵，平時嚟村爺爺食開普通嘅車仔麵，但今日見到有兩三人食龍虾麵，見到實物有足半隻龍蝦，於是豪d食番個啦😛淨龍蝦麵$58，想多兩個餸食就$68，抵喎。。。唔使諗，一於$68餐！呢度幾好，麵同餸會分開上，讚！如果想加餸，$7-$10有一款，好多選擇👍🏻👍🏻唔係講笑，半隻龍蝦加餸，連麵底都見唔到，夠足料！龍蝦，半隻上，淨肉好足秤，睇下👇🏻而且啖啖肉，仲有鉗位都係一大舊肉，食得幾爽！呢個下午茶正😬蘿蔔三大件，好好好大舊，超甜、無渣、係靚蘿蔔，必食！通菜，揀咗秘製沙嗲醬，同通菜好夾，原來沙嗲醬通菜咁好食😝