Video
Read full review
2011-09-08
121 views
呢一篇我唔係寫我對食物感想,而係一篇被對待ge感想!!!中秋將到,男友買左4張月餅卷,今日我一個人去換餅其他我唔知係唔係有d人係有一種心態:用餅卷拎餅ge客人會比用現金ge客人低一等今日我就喺恆香有呢一種"低一等"ge服侍;因為我知某d人餅卷係有人送之類的,總之唔使用錢得到,而店內ge人就會覺得"冇賺到"此客人ge錢.....話說今日7pm左右去到,啱啱有一個男人用餅卷換走左一盒月餅;我入到月餅櫃檯,有4個阿姐係度傾計,好似完全睇我唔到咁,都冇所謂啦... ...睇佢地做係36唔做都係36,我拎左4張餅卷出黎,其中一個阿姐1點左數量,話"4盒" 另一個阿姐2喺原本5盒一袋ge抽左一盒出黎,諗住俾我,我估計自己應該一隻手抽唔到4盒,就叫佢地幫我分開兩袋;其實我當聲係好輕聲咁提出要求,但個阿姐2好唔服氣咁同阿姐3、4話"分開2袋哦~" 個"哦"拖長左音,阿姐3冇出聲照做,但個阿姐4好串講左句"咁一袋3盒一袋1盒啦",當然個阿姐3冇咁做啦... ...即係咁,無論點樣講我都係客哦... ... 就算你幾咁不滿我提出ge要求,你係唔係都唔應該喺我面前講d咁ge說話呢?再講,雖然我係用餅卷,但嗰
中秋將到,男友買左4張月餅卷,今日我一個人去換餅
其他我唔知係唔係有d人係有一種心態:用餅卷拎餅ge客人會比用現金ge客人低一等
今日我就喺恆香有呢一種"低一等"ge服侍;因為我知某d人餅卷係有人送之類的,總之唔使用錢得到,而店內ge人就會覺得"冇賺到"此客人ge錢.....
話說今日7pm左右去到,啱啱有一個男人用餅卷換走左一盒月餅;我入到月餅櫃檯,有4個阿姐係度傾計,好似完全睇我唔到咁,都冇所謂啦... ...睇佢地做係36唔做都係36,我拎左4張餅卷出黎,其中一個阿姐1點左數量,話"4盒" 另一個阿姐2喺原本5盒一袋ge抽左一盒出黎,諗住俾我,我估計自己應該一隻手抽唔到4盒,就叫佢地幫我分開兩袋;其實我當聲係好輕聲咁提出要求,但個阿姐2好唔服氣咁同阿姐3、4話"分開2袋哦~" 個"哦"拖長左音,阿姐3冇出聲照做,但個阿姐4好串講左句"咁一袋3盒一袋1盒啦",當然個阿姐3冇咁做啦... ...
即係咁,無論點樣講我都係客哦... ... 就算你幾咁不滿我提出ge要求,你係唔係都唔應該喺我面前講d咁ge說話呢?再講,雖然我係用餅卷,但嗰d餅卷一樣係用真金白銀買反黎,買時又唔會有折又唔係買一送一,咁係唔係確定錢已收,客人就唔係客人呢?
依家ge人成日話8、90年代出世ge人工作冇誠意,彈到一文不值;但我想話:舊年我同樣係先買餅卷後換餅,但係喺"美心",人地就係請8、90後ge人,但換餅嗰陣,人地一樣當你係至高無上ge客,一樣係有笑容有服務;而今日呢一班60後我就真係完全唔知佢地ge"服務"喺邊一度law.....
Post