喜記避風塘炒辣蟹 (謝斐道)

Open Now

Now Closed

之前一直都有定時來呢間餐廳食飯，因為覺得d蟹真心超好味，我自己係香港食左好多年，每次有外國朋友來，我都會帶佢哋黎呢度食晚餐，而次次大家都會大讚好好食。今次一樣，同左幾個外國朋友一齊黎，好彩預早有book位，晚餐真係超多人！當然一坐低就要一份招牌避風塘炒辣蟹啦，最鍾意呢到每次d蟹都超大隻，d肉又夠新鮮紮實，每一啖都係肉，食得好開心～當然啦，d蒜都係重點，夠乾身夠入味，好有鍋氣！然後就要左第二樣必點嘅爆糕椒鹽大瀨尿蝦，朋友都話外地好難食到咁大隻，會爆膏嘅更加好少見，所以返到香港一定係必食！另外叫左兩樣暖胃嘅野：潮州肉碎蠔仔粥 同鹹菜胡椒豬肚湯。蠔仔粥好多蠔，隻隻都夠creamy，而鹹菜胡椒豬肚湯都被朋友大讚，話係細個食開嘅味道！