新記雞粥 (鴻禧大廈)

Open Now

Now Closed

今晚在旺角，眼見呢間响淡風下都有咁多人幫襯，於是一於同同事放工去開餐。，晚上8點左右都好多人，要等一陣，5分鐘左右有位坐底。由於我倆餓鬼上身，都叫左好多嘢，主要係啲招牌嘢，包括雞粥，XO醬叉燒蛋炒飯，炸腸，雞絲海蜇同炸豆腐...鷄粥係signature dish. 果然冇失望，雞好好味，而粥軟綿綿，充滿住雞油，滿哂鷄味，正！海蜇雞絲，冰涼涼，好爽口。XO醬叉燒蛋炒飯，正！出乎意料之外的好食。蛋滑，义燒軟，熱辣辣，加上xo醬，撈埋一齊食，冇得彈。炸兩。薄粉皮包住翠翠油炸鬼，ok.脆豆腐，熱辣辣，外脆內軟，吾錯。食左咁多好滿足，而且價錢都好抵食，下次再去。