Video
Read full review
2013-12-02
182 views
昨晚同兩個朋友食完飯，之後就行去甜源居食糖水。坐低咗叫野食，分別叫咗酒釀丸子，生磨合桃糊，雪蛤芝麻糊溝合桃糊，雪蛤合桃糊。落單時個有大陸口音嘅大嬸好不耐煩地同我哋落單，令我哋有種喺差館落口供嘅感覺。當啲嘢食嚟到，先送嚟三個糊，眼見賣相己經唔開胃 ，攪兩攪就發現三個糊仔都好似白膠漿溝水咁嘅狀態，全無任何合桃或芝麻味，嗰啲雪蛤擺落口時仲好似食緊豬皮咁嘅感覺，爽口彈牙，都唔知係乜野！ 食食吓仲覺得有啲唔知係雪藏定係醒味。我敢肯定嗰啲所謂嘅〝生磨〞乜乜糊一定係用粉再溝生粉水，仲要係溝到好鬼稀。之後戲肉就係個酒釀丸子喇…擺低咗碗嘢，一望嘅感覺就好似見到一碗清水浸住幾pat麵粉，再加少許浸爛咗嘅飯。我兩個朋友都唔敢試，因為一個大肚婆一個準備大肚婆，咁就唯有我試先…第一啖入口都唔敢食晒，試咗少少先…感覺己經瀨晒嘢！即lur！嗰啲見到嘅清水同飲白醋一樣，酸到不得了！忍唔住即刻叫咗個伙計過嚟同佢講喇，點知佢一開口就話〝係咁酸架喇喎！你無食過咩？〞我即場Ｏ咗咀！隨即有個非常西面的上海婆走過嚟搭咀，佢話〝我哋啲酒釀丸子係最正宗架！同你落單個伙計話咗俾你知係酸架喇…你話無問題先落單，依家無得取消架喎！〞
坐低咗叫野食，分別叫咗酒釀丸子，生磨合桃糊，雪蛤芝麻糊溝合桃糊，雪蛤合桃糊。
落單時個有大陸口音嘅大嬸好不耐煩地同我哋落單，令我哋有種喺差館落口供嘅感覺。
當啲嘢食嚟到，先送嚟三個糊，眼見賣相己經唔開胃 ，攪兩攪就發現三個糊仔都好似白膠漿溝水咁嘅狀態，全無任何合桃或芝麻味，嗰啲雪蛤擺落口時仲好似食緊豬皮咁嘅感覺，爽口彈牙，
都唔知係乜野！ 食食吓仲覺得有啲唔知係雪藏定係醒味。我敢肯定嗰啲所謂嘅〝生磨〞乜乜糊一定係用粉再溝生粉水，仲要係溝到好鬼稀。
之後戲肉就係個酒釀丸子喇…擺低咗碗嘢，一望嘅感覺就好似見到一碗清水浸住幾pat麵粉，再加少許浸爛咗嘅飯。我兩個朋友都唔敢試，因為一個大肚婆一個準備大肚婆，咁就唯有我試先…第一啖入口都唔敢食晒，試咗少少先…感覺己經瀨晒嘢！即lur！嗰啲見到嘅清水同飲白醋一樣，酸到不得了！
忍唔住即刻叫咗個伙計過嚟同佢講喇，點知佢一開口就話〝係咁酸架喇喎！你無食過咩？〞我即場Ｏ咗咀！隨即有個非常西面的上海婆走過嚟搭咀，佢話〝我哋啲酒釀丸子係最正宗架！同你落單個伙計話咗俾你知係酸架喇…你話無問題先落單，依家無得取消架喎！〞隨即佢就問嗰位有大陸口音嘅大嬸〝你係咪己經同人哋講咗啲丸子係好酸架？〞大嬸答〝係呀！佢哋話酸都無問題我先同佢落單架！〞我即場又Ｏ咗咀！心諗〝乜有餐廳會同人講自己啲嘢食酸架你有冇問題咁得意架咩？〞上海婆隨即就話〝係囉…之前咪同你講咗囉！〞
我同我兩個朋友都Ｒ晒頭！明明落單時乜都無講！依家就扯晒貓尾…
我同個上海婆講〝咁算喇！兜嘢40蚊啫！不過如果落單時你真係有同我講過兜嘢酸到好似係飲白醋咁我就一定唔會嗌囉！〞隔咗唔夠一分鐘，嗰上海婆返嚟收咗碗嘢，攞走埋張單，之後行返番嚟就話〝我哋啲酒釀丸子係最正宗架！你究竟有冇食過架？不過兜嘢都係40蚊啫！依家幫你取消咗！〞我即時嚴重著咗火 ，小喇叭！呢啲係乜嘢服務態度？我睇住有個大肚婆喺度先唔再同佢嘈落去！真係好Ｑ嬲！！！
Post