Kaffee Jen

Open Now

Now Closed

黎到山景既工廠區，估唔到有間咁chill既日系cafe! 環境雖細，但樓底較高同裝修設計上既巧思提升左店面空間感，加上日式木系裝潢感覺溫暖，平日午餐去幾乎滿座但唔算迫，都過左一個好悠閒既工作日午餐。畢竟係cafe，菜單選項唔多，以包同甜點為主，品項少先可以做得更完美，menu最吸引我既係蟹肉bagel（$108），唔算平但質素對得住價錢，bagel煙韌唔會過硬，外層烘過微脆，口感很好👍🏻內餡都充滿驚喜，滿滿既蟹肉增添鮮味，牛油果都好新鮮creamy ，仲排成花咁，賣相加分！bagel仲連住一杯沙律，沙律菜好新鮮，個醬都幾好食幾特別，食落帶啲椰子味！飲品叫左凍黑芝麻latte, 相對蟹肉bagel黎講冇咁有驚喜，味道ok都有芝麻香味，唔太甜。第一啖飲略淡，可能因為啲芝麻醬都沉左喺底，飲之前攪勻較好。整體黎講，雖然以當區消費黎講略貴，但見到食物出品同埋悉心布置既環境，充分感受到店主既用心，值得一訪。