辣妹

Open Now

Now Closed

辣妹放工諗住行維園花市，但要醫肚先，朋友話要食呢間叫得自己做辣妹，當然以辣為主，所以我點咗招牌菜，辣妹水煮羊肉配拉麵，朋友就選了手撕雞拌麵嘩，上菜時好有驚喜，因為又大碗又香，首先飲啖湯，因為我對食粉麵嘅要求，就係個湯底靚同埋夠熱，呢個招牌辣妹水煮羊肉嘅湯底就真係冇得頂，除咗符合我嘅要求，個香辣真係好刺激食慾，尤其個香味去令人不斷想進食，好正，而羊肉就灼得剛剛好，好有咬口，辣味同羊肉都係最匹配嘅，仲有好多配菜，高質但原來朋友都好醒，因為呢度嘅手撕雞拌麵又係咁出色，個麵底加咗麻醬，但係一啲都唔肥膩多油，仲有唔少嘅青瓜絲同埋芫荽撈埋一齊食，既爽趣又香口，而手撕雞就做得好了滑，我差啲想食埋朋友嗰一碗呢！我哋仲添加咗兩款不能不吃嘅小食，上湯浸皇帝菜，個上湯真係做得好清潔，皇帝菜灼嘅時間啱啱好，入口真係一好清脆嘅感覺，至於反斗墨魚餃，就真係幾反斗下嗰，個皮炸得相當香脆，而裏便個墨魚膠餡，又彈雅又夠味煙煙韌韌食得好開心呢！我食辣，配一罐忌廉汽水就係最爽，而食手撕雞，就配返個熱桂花綠茶啱哂，呢間小店整潔乾淨，出品有水準，值得再嚟食！