Video
Read full review
2021-07-10
70 views
之前都幫襯過早餐，見今晚得閒又無試過晚餐就去幫襯試吓！一坐低冇耐我地就落單，幫我地落單果位女侍應已經黑口黑面咁，同佢講咩都無乜反應！咁我地就order左一個芫荽皮蛋魚片湯伴刀削麵，一個炸魚卡邦尼火腿意粉伴半熟煎蛋！過左大約10分鐘，個魚片湯就到左，我太太食咗兩啖就話覺得好淡，而我太太本身個人係食得好清淡都話淡嘅話就真好淡，不過都算，就諗住問下有冇醋俾我，咁頭先幫我落單果位黑面女侍應諗都唔使諗就即刻答我話無！我心諗咁大間餐廳個廚房連醋都會冇嘅咩，最大問題係因為你哋個湯太淡我先要醋，你問都唔問吓個廚房有冇就答我！咁我哋都由佢！過咗20分鐘我太太都食完個餐，我碟意粉仍然未到，咁我就同個肥肥地嘅女侍應追下單，咁佢就即刻拎走我張去追，但又唔同我講番究竟係漏單無做定點之後等多10分鐘度碟意粉終於出世，點知一睇點解無左隻半熟煎蛋嘅？我前後等左咁耐就因為肚餓所以無理佢就食個意粉，一食個下真係咩胃口都無晒佢地整得出呢碟野真心佩服，意粉面係有白汁，但食落居然係白烚意粉咁乜味都無連個汁都可以無味，真心請教何為卡邦尼呢？今次忍無可忍就同個男侍應投訴，跟住見佢走去同個頭先幫我追單肥肥地嘅女侍應交代下我嘅投訴，咁
一坐低冇耐我地就落單，幫我地落單果位女侍應已經黑口黑面咁，同佢講咩都無乜反應！咁我地就order左一個芫荽皮蛋魚片湯伴刀削麵，一個炸魚卡邦尼火腿意粉伴半熟煎蛋！
過左大約10分鐘，個魚片湯就到左，我太太食咗兩啖就話覺得好淡，而我太太本身個人係食得好清淡都話淡嘅話就真好淡，不過都算，就諗住問下有冇醋俾我，咁頭先幫我落單果位黑面女侍應諗都唔使諗就即刻答我話無！我心諗咁大間餐廳個廚房連醋都會冇嘅咩，最大問題係因為你哋個湯太淡我先要醋，你問都唔問吓個廚房有冇就答我！咁我哋都由佢！過咗20分鐘我太太都食完個餐，我碟意粉仍然未到，咁我就同個肥肥地嘅女侍應追下單，咁佢就即刻拎走我張去追，但又唔同我講番究竟係漏單無做定點之後等多10分鐘度碟意粉終於出世，點知一睇點解無左隻半熟煎蛋嘅？我前後等左咁耐就因為肚餓所以無理佢就食個意粉，一食個下真係咩胃口都無晒佢地整得出呢碟野真心佩服，意粉面係有白汁，但食落居然係白烚意粉咁乜味都無連個汁都可以無味，真心請教何為卡邦尼呢？
今次忍無可忍就同個男侍應投訴，跟住見佢走去同個頭先幫我追單肥肥地嘅女侍應交代下我嘅投訴，咁我就直接行埋去同佢講，碟意粉等咁耐最後整出嚟又白烚咁我唔要啦！我仲叫佢記得要試吓！(唔知會唔會話個廚房係新上場所以係咁，好多餐廳出事都咁講！)，之後我仲問佢點解個意粉連蛋都無，佢居然同我講話隻蛋係撈左落個意粉度，我心諗我食落都無蛋味同埋你識唔識咩叫做半熟煎蛋呢？咪就係太陽蛋呀！咁呢個女侍應態度都幾好，都有同我講唔好意思呀，同埋取消番個餐嘅(我只係夾左一少匙意粉食左一啖，其他火腿同炸魚我掂都冇掂過)！
不過想講番隻蛋如果你唔識或者唔知嘅可以唔答我但就唔好亂咁吹，正所謂唔識嘅就俾你嚇死識嘅就俾你笑死
希望你地會睇到我嘅意見會作出改善，不過我應該唔會再幫襯架啦(包括早餐)，老實講我自己都做呢行，我都好包容同俾咗好多次機會你地，但最終都係搞到我忍無可忍揮袖離去！
真心講！！！
如果你地繼續保持咁嘅出品同服務，唔知道仲有幾多有心人仲可以繼續支持你哋啦！
請留意吓我上載的圖片正正就係你哋餐牌上嘅意粉上面大大隻太陽蛋，而唔係聲稱撈左入意粉度囉！
Post