鯛魚湯專門店 (Closed)

之前有朋友係fb介紹過此店，一直都好想嚟試吓，因為有我最愛既魚湯湯飯，但小妹比較少出城……今次難得男友話陪我去食好西(因為佢想去動漫)，所以就抱住就算熱到中暑，都要出去試好野既心態，由新界坐火車再轉巴士出去一試。入正題，見店名都知，此店是鯛魚魚湯做主打，我們分別叫了海膽蟹腳湯飯及鮑魚花膠湯烏冬，前者上桌既時候有火爐熱住(一路食一路標汗)，而且有蟹腳既關係d湯特別甜，海膽及蟹腳既份量都好多，後者沒有跟火爐上，明顯食到一半d湯就涼了，味道比較腥，但餸既份量都好多，有两隻鮑魚及三至四舊花膠、魚肚，餐牌上仲有d小食，但今次無叫，總括此店可再來，不過要等天氣無咁熱先，下次會試吓龍虾湯飯。