Video
Read full review
2010-03-04
38 views
呢個星期六要返工, 所以晏就同兩個同事去食咗餐好既!本來諗住求其飲吓茶就算, 點知周圍都勁多人要等位,我哋呢啲仲要返工既人當然唔可以等位啦,結果喺冇目標既情況下撞咗入嚟呢間上海菜食晏,因為話星期一至六午市所有小菜半價喎~入到去又坐得幾舒服喎, 環境亦算乾淨清靜, 職員服務都唔錯吖~結果我哋三個人好豪咁食咗三餸一湯兩麵,小菜有羊肉乾鍋、XX炒四季豆(個名好特別, 唔記得咗)、咕嚕肉,加一個鱔麵、一個牛肉炒上海麵, 另加每人一碗酸辣湯。羊肉乾鍋好正, 新鮮熱辣石鍋上, 啲羊夠腍唔蘇;四季豆用啲肉碎炒, 味道幾特別, 好香好爽口, 好好味;咕嚕肉又係意料之外好食, 好多時啲食店炒既咕嚕肉都好「銀」,但呢間都幾腍之餘仲食到豬肉味, 個汁夠味但又唔會過份酸,可能因為本身啲肉較新鮮, 所以唔洗用咁多酸汁遮咗啲肉味啦!鱔麵原來係湯麵, 但個湯又幾好味喎, 係啲鱔小咗啲, 個份量都係一個女仕既碗;牛肉炒上海麵油咗少少, 但都好味呀, 同埋幾大碟喎;酸辣湯係咁多樣算最普通既, 料都緊緊算足, 味道亦只係叫做合格,我食過更多地方好食過去, 但又入得口, 唔算係差既。茶每位$12, 前菜青瓜$18椒仔$15
本來諗住求其飲吓茶就算, 點知周圍都勁多人要等位,
我哋呢啲仲要返工既人當然唔可以等位啦,
結果喺冇目標既情況下撞咗入嚟呢間上海菜食晏,
因為話星期一至六午市所有小菜半價喎~
入到去又坐得幾舒服喎, 環境亦算乾淨清靜, 職員服務都唔錯吖~
結果我哋三個人好豪咁食咗三餸一湯兩麵,
小菜有羊肉乾鍋、XX炒四季豆(個名好特別, 唔記得咗)、咕嚕肉,
加一個鱔麵、一個牛肉炒上海麵, 另加每人一碗酸辣湯。
羊肉乾鍋好正, 新鮮熱辣石鍋上, 啲羊夠腍唔蘇;
四季豆用啲肉碎炒, 味道幾特別, 好香好爽口, 好好味;
咕嚕肉又係意料之外好食, 好多時啲食店炒既咕嚕肉都好「銀」,
但呢間都幾腍之餘仲食到豬肉味, 個汁夠味但又唔會過份酸,
可能因為本身啲肉較新鮮, 所以唔洗用咁多酸汁遮咗啲肉味啦!
鱔麵原來係湯麵, 但個湯又幾好味喎, 係啲鱔小咗啲, 個份量都係一個女仕既碗;
牛肉炒上海麵油咗少少, 但都好味呀, 同埋幾大碟喎;
酸辣湯係咁多樣算最普通既, 料都緊緊算足, 味道亦只係叫做合格,
我食過更多地方好食過去, 但又入得口, 唔算係差既。
茶每位$12, 前菜青瓜$18椒仔$15, 最後埋單約 $360, 好似平咗約二百蚊,
咁既質素又真係好抵喎!
Post