亞婆豆腐花

Open Now

Now Closed

我剛剛食完兩碗亞婆豆腐花, 再飲埋佢既豆漿, 返學校既library 即打食評!我特地出大埔試左一碗涷 和一碗熱豆花! 首先食左碗涷, 覺得滑, 但沒有出奇滑的感覺, 味道唔錯, 因為糖水不太甜, 幾好味, 但我覺得甜味蓋過了豆味, 所以我覺得涷豆花是普通的. 跟住再叫左碗熱豆花. 嗱~! 呢次就真係睇到又食到那種 "出奇滑" 啦~! 滑到咁, 真係驚喜!不過, 至於豆味方面, 我覺得只係普通, 因為甜味蓋過了豆味, 豆味熱花多過涷花.當然, 食豆腐花要食熱, 豆香係熱花香過涷花.總括, 我認為這裡的豆花在味道方面是不錯的, 因有糖水(佢已經幫你一早加左落豆花度), 薑糖水(夠薑味! 唔錯!), 黃糖 (睇得出係靚黃糖, 快溶, 唔係得個甜字, 可與豆花相輔相成)!但唔可以話佢 "好有豆味", 我認為豆花仍與此四字相距甚遠! 我飲過食過太多豆品, 博多屋的才算是 "好有豆味"!無疑, 亞婆豆花真係滑到無人有, 所以也是值得再來的! $5 係抵!如果可給顧客自己落糖水會更好, 因為我不希望甜味蓋過豆味, 本人喜歡清清地, 可吃出原味!下次叫佢唔好落糖水住, 試下淨豆花會唔會食到多d豆味先