將軍拉麵 (Closed)

約咗小麗出旺角食飯，小麗係拉麵痴，為咗就佢嘅口味，當然係食拉麵啦。佢帶我咗去一間好有日式風味的小店，入面唔算大，廚房係半開放式。我哋點咗噌將軍同金將軍，噌將軍睇個名就知係味噌湯底，湯底嘅味道好濃，日式叉燒肥瘦分佈均勻；而金將軍聞落去有好香咖喱味，但食落口唔會好辣，雞肉都好嫩滑；兩碗拉麵嘅份量都好足夠，麵條亦都彈牙；至於個小食，芥末炸雞，原來係雞翼，再整成單骨雞翼咁炸，外層炸得香脆，入面保留到肉汁，再配埋佢另上嘅芥末醬，絕對係一流嘅小食。