曼谷志明 (Closed)

同事於公司Annual Dinner 抽中咗獎，中咗雙人澳門兩晚酒店船票套票。奈何佢唔得閒去，所以將套票平讓咗俾我。今晚收早啲，出發前約埋Honey 在上環食埋嘢先去坐船。上環C出口一出轉左就正正有間餐廳，非常方便就腳，望入去好OK喎，所以就入去食嘢。餐廳好有東南亞feel，主要有木系餐卓、椅，及大大的田園綠的梳化，還有很多掛牆畫，配襯得很不錯。職員好nice，見我哋有啲小行李跟身，一眼俾佢睇穿，我哋今晚去澳門玩。我哋叫咗椰青、凍越南滴滴咖啡、青木瓜沙律、虎蝦冬陰公湯河、水晶蝦米紙卷和炒雜菜，不收加一，埋單只係三百幾，都幾抵食。椰青超大個，清新鮮甜，又可以解辣。凍越南滴滴咖啡要有耐性少少，因為要等啲咖啡慢慢滴晒落隻加咗煉奶嘅玻璃杯，然後攬勻，再倒入去隻冰杯內。成個過大概5、6分鐘，是值得等的，因為幾好飲。青木瓜沙律啲汁酸酸甜甜幾開胃。青木瓜、甘筍絲幾爽脆，加埋啲炸腰果，更香口。虎蝦冬陰公湯河無諗過原來碗湯河係咁大碗，冬陰公湯底帶少少辣，有好香的香茅味，仲有青檸/檸檬味，所以有少少酸，好醒胃。蝦肉都OK，無老到。水晶蝦米紙卷食呢個一定要點魚露來食，米紙皮煙煙韌韌，內裡包咗蝦肉、生菜、粉絲