宏 (Closed)

係紅磡生活左一段時間，一直都唔知原來主打抹茶甜品嘅 宏 ，係紅磡有分店。今日同母親大人行黃埔行到2點鐘，見肚餓經過就入左去試試。大鰻魚飯套餐鐘意食鰻魚嘅母親大人，見到餐牌有鰻魚飯，諗都無諗就叫左。套餐除左鰻魚飯，仲有一客開胃沙律，蛋卷同海藻烏冬。鰻魚肉質好稔，有入口即溶感覺，亦到好厚切，配上鰻魚汁撈上日本米一流。和風玉子海藻意粉比較愛冷麵嘅我就揀左呢個套餐，海藻麵好彈牙，大愛呢個口感。套餐配有2個加州卷，沙律同蛋卷。跟餐嘅大芝麻蛋麻，果然名不虛傳，食到沙沙芝麻，出色！鰻魚飯就配小蛋捲，抹茶味濃郁，忌廉軟滑而不膩，可以再戰！食完跟餐個2個蛋捲，我地都唔夠喉，唯有再另叫一個草莓蛋捲，蛋香十足，不過都係抹茶同芝麻比較特別比較出色。抹茶芭菲抹茶雪糕，配上抹茶麻糬，抹茶啫喱，蛋糕，粟米片和忌廉，配料十足！抹茶雪糕夠濃郁，一球絕對不夠我倆爭食，宏的抹茶甜品是挻出色的。