堅信號上海生煎皇 (形點 II)

Open Now

Now Closed

上次聽朋友介紹過呢間上海嘢好食，今日就黎試下佢，一試有驚喜。我同朋友兩人叫左一份酸菜魚，蒜泥白肉，麻辣牛柏葉，生煎包， 小籠包，土匪雞翼，同埋肉排。先講吓個酸菜魚，呢度嘅酸菜魚有別於其他舖頭食到嘅酸菜魚。呢度相對上冇咁酸同辣，會重鹹味少少，如果唔食得太酸同太辣嘅朋友仔就啱晒你啦。之後到蒜泥白肉，蒜泥白肉一如既往鋪滿好多蒜頭同埋特製醬汁食落非常惹味。麻辣牛柏葉食落辣味相對地重，食得辣嘅朋友仔一定要試吓啦。跟住到生煎包同小籠包，兩款係一樣咁多汁同熱辣辣咁上。如果叫咗嘅朋友仔一定要即刻熱食，咁樣先至會係最佳嘅狀態。土匪雞翼同埋肉扒就不過不失，食落都係香口嘅食物，所以會越食越想食停唔到口。