龍門客棧 (We Go Mall)

Open Now

Now Closed

今日去左馬鞍山探朋友，走嘅時候順便食埋晚飯。呢個商場都幾多嘢食喎，地下行到最尾尾見到呢間餐廳幾大，食上海嘢，老公話不如食呢間。內裡環境好大，空間感十足。無論一家人或者朋友食飯，都會坐得幾舒服，氣氛幾好。餐牌都幾多嘢食，老公唔想諗，叫左個二人餐，有涼菜、湯羹、小炒、酸菜魚同飯，都幾多嘢食。水晶餚及脆皮素鵝：水晶餚肉幾靚，層次分明，味道鹹鹹地夠味道；脆皮素鵝外皮輕脆，裡面有冬菇同蘿蔔絲等，咬落好香，幾好食。酸辣湯：味道酸酸唔太辣，幾開胃。最驚喜就有裡面有蝦，有種升級左嘅感覺。糖醋排骨：排骨炸到剛好熟，口感比較軟熟，炸粉又唔會好厚，甜甜酸酸，都係一個開胃餸。特色酸菜魚：酸菜魚唔會話煮到爛晒，味道帶點麻，小辣，裡面有雲耳、芽菜同酸菜等配菜，吸晒D湯汁又幾好味。崧子菜粒炒飯：份量多，炒飯粒粒分明，唔太油。配料除左有崧子同菜粒外，仲有火腿同雞蛋，加埋一齊炒就晒香。酒釀丸子：送嘅糖水，桂花味好香，丸子細細粒煙煙韌韌，清清淡淡夠香甜。上海小籠包 (單點)：夠熱多汁，肉夠鮮味，唔錯。