燒串煲 (Closed)

佐敦嘅渡船角不嬲都係食串燒嘅好地方！今日夜晚就同啲朋友嚟咗想來串一串佢喇！先上碟嘅雞軟骨！食第一粒就可以話俾你試呢一間係一間好出色嘅串燒店！我哋叫咗小辣但係串雞軟骨係好入味！你知道啦雞軟骨本身係比較難調味嘅但係佢都教得好出色！燒雞皮呢個又係要大讚！！！完全係外脆內軟！我相信鍾意食雞皮嘅朋友完全明我依家係乜嘢感受！牛舌，呢個牛舌係我計喺日本之後覺得最出色嘅，佢好爽口！咬落去仲要有肉汁節出黎！羊肉串，羊肉味好so, 或者有啲人覺得呢一陣味好難接受，但係鍾意食羊肉嘅人特別係好似我咁，就係佢夠so先至會令我叫完再叫真係冇呃你我即刻再叫多咗個羊架，一咬落去又係有啲汁節晒出嚟，但係羊架嘅味道仲更加特別，相信佢哋師傅花咗好長嘅功夫去調味，而我可以話俾你知我係好愛呢一種酒味嘅羊架！燒蠔，有睇開我食評嘅人就知道我係好鍾意食蒜嘅，呢一間串燒嘅消蒜又係做得好出色，同上次喺大埔嗰間真係有得揮！隻蠔亦都好新鮮~~~呢個價錢有冇令我太滿足呀鹽燒烏頭，侍應仲好細心咁俾埋豆瓣醬我地點，但係其實因為條魚好新鮮佢本身嘅鮮味已經好足夠，我愛妹頭嘅原因更加係因為佢冇乜骨，食下食下唔覺意就成條食晒囉！呢間串燒店嘅嘢食真係好高質