Video
Read full review
2023-04-26
25 views
平時同呀媽食飯都係食中菜多，但耐唔耐我都會帶佢去食下日本野既。今次就試左係灣仔既一間日式串燒店《炭火Dining 炎》由日籍主廚山口裕太師傅掌旗。佢曾經係香港日本餐廳「田舍家」工作左8年，所以功力都有返咁上下架。餐廳係全bar枱位，設計簡約樸實，採用木系裝修，空間感十足。所有串燒都係用備長炭燒既。備長炭火力平均易控制，燒出黎有炭香味。但難免有油煙問題，因此個炭爐特別遠離食客，就算開放式廚房都唔會俾煙攻到啦。Overall當晚啲野食都好唔錯，啲員工又好搞笑，係好輕鬆既氣氛☺️Omakase Menu $888✨前菜盛合 : 有好多款前菜，空豆包住黃色珊瑚、漬蠔配麵豉醋、漬鯛魚白子、明太子薯仔沙律、明太子沙律、蕃茄湯、銀鱈魚腩、茄子同蓮藕。我最愛係漬鯛魚白子，食落清爽，口感綿密。✨麵豉燒北寄貝 : 肉質肥美厚實，個湯甘甜鮮美。✨雞腿肉 : 使用博多華味雞，肉質特別嫩滑多汁。配手指檸檬，酸酸地可以去下膩。✨免治肉棒 : 呢個係用左鴨肉，鴨肉味幾出，肉質結實，仲食到爽口既馬蹄，沾蛋汁食一流。✨雞翼 : 使用阿波尾雞，肉味重。雞皮燒到好脆，邊邊位仲燶燶地好香口。✨雞心 : 口感Q彈，我呀媽好鍾意。
由日籍主廚山口裕太師傅掌旗。佢曾經係香港日本餐廳「田舍家」工作左8年，所以功力都有返咁上下架。
餐廳係全bar枱位，設計簡約樸實，採用木系裝修，空間感十足。
所有串燒都係用備長炭燒既。備長炭火力平均易控制，燒出黎有炭香味。
但難免有油煙問題，因此個炭爐特別遠離食客，就算開放式廚房都唔會俾煙攻到啦。
Overall當晚啲野食都好唔錯，啲員工又好搞笑，係好輕鬆既氣氛☺️
Omakase Menu $888
✨前菜盛合 :
有好多款前菜，空豆包住黃色珊瑚、漬蠔配麵豉醋、漬鯛魚白子、明太子薯仔沙律、明太子沙律、蕃茄湯、銀鱈魚腩、茄子同蓮藕。
我最愛係漬鯛魚白子，食落清爽，口感綿密。
✨麵豉燒北寄貝 : 肉質肥美厚實，個湯甘甜鮮美。
✨雞腿肉 : 使用博多華味雞，肉質特別嫩滑多汁。配手指檸檬，酸酸地可以去下膩。
✨免治肉棒 : 呢個係用左鴨肉，鴨肉味幾出，肉質結實，仲食到爽口既馬蹄，沾蛋汁食一流。
✨雞翼 : 使用阿波尾雞，肉味重。雞皮燒到好脆，邊邊位仲燶燶地好香口。
✨雞心 : 口感Q彈，我呀媽好鍾意。
炸物 :
✨蒜燒茄子、海膽餅同炸池魚。配上由日本醬油風乾成粉，再以乾蔥、蒜、芝麻等炒製而成既脆脆豉油。入口脆卜卜，好惹味。
✨蕃茄仔，食完炸物可以食下蕃茄仔清新下味蕾。
✨燒豆腐 : 看似平凡但好好味既豆腐，外脆內超嫩滑。其實面頭有啲蔥，不過我一拎上手影相即刻整趺曬😂
✨白粟米 : 白栗米其實生食都好清甜，所以師傅都係略略燒左下等佢有個炭香味，好食到要encore！
✨黑毛和牛舌 : 牛味濃郁，肉質爽口。
食事 :
✨鴨胸肉冷烏冬
個烏冬落左麻醬同鴨胸油，食落好香，烏冬好彈牙。
甜品 :
✨一次過試曬3款自家製甜品 : 西瓜布甸、粟米布甸、櫻花葉包住紅豆團子
以下係單嗌既野食。
✨雞肝醬配威化 $78
自家製雞肝醬，即係平民版既鵝肝醬😂濃郁雞肝味，食落口感滑順。
✨炸池魚BB $68
2個字 : 酥脆。
✨鯛魚白子 $108
平時係出邊食開既都係鱈魚白子，由於鯛魚當造，所以有鯛魚白子。面頭有略略炙燒過，配酸汁食落清爽，口感綿密。
✨紫蘇豚肉卷 $48
豚肉包住紫蘇葉，面頭仲有紫蘇醬，香氣十足。
✨西班牙豬肋條 $58
口感軟嫩有嚼勁，多汁美味。
✨雞尾 $48
脂肪豐富，好軟腍好juicy。
✨雞頸大蔥串 $48
由於雞成日轉動條頸既關係，所以呢部份既肉更具彈性，有嚼勁。
✨白鱔 $78
白鱔肉好爽，係個皮略嫌唔夠脆。
✨蕃薯 $35
使用日本金時蕃薯，甜度適中，香甜軟滑。
✨是日燒飯團 $48
用左麵豉醬黎燒，外層焦香脆脆。
✨紫蘇雪葩 $38
好重紫蘇味，清新到不得了！
✨豆乳芝士蛋糕 $58
成嚿豆腐咁樣，有濃濃豆香，口感綿密細滑。
🥃梅酒 $78
我同呀媽既最愛。基本上要嗌酒飲都係嗌梅酒，呢到既梅酒夠曬濃味。
Post
