泰巷 (將軍澳廣場) (Closed)

呢間泰巷之前食過幾次，食物質素唔錯，好多時都坐滿人。而家做緊全線外賣9折優惠，指定菜式有7折。仲同左Foodies & Goodies合作，買滿$200就可以揀一樣$30既急凍食品，超左就補返差額。不過店員解釋時太細聲，我地揀左個$58既壽喜燒汁豚肉，最後補左$28🙈招牌海南雞飯 $56海南雞飯可以揀白飯或油飯，色澤鮮黃，雞肉幾滑身。不過途中發生小插曲，返到屋企先知比漏左一份海南雞飯，結果又要再落樓拎😫傳統風味無骨豬手飯 $63豬皮軟滑Q彈，完全無臊味，滿滿骨膠原，無骨豬手份量亦不少，肉質腍而嫩滑，加埋半邊滷蛋，大量白飯，抵食又好味。傳統風味無骨豬手船河 $54胃口較細又唔想食飯，可以選擇船河，餸菜款式頗多，我揀左河粉、船河湯，湯底尚算濃郁，河粉掛湯幾入味。咖喱雞煲配白飯 $63黃咖喱味香濃惹味，少許辛口，雞件肉質嫩滑多汁。