金龍冰室 (Closed)

冰室食嘅嘢 , 都係大同小異, 但係呢一間, 有一啲比較特別嘅嘢食, 同埋佢煮西式嘢都十分唔錯。白汁帶子雜菌意大利粉 ,完全係十分之驚喜 ,因為用料食材絕不馬虎, 味道亦十分之濃厚 ,意粉彈牙, 絕對比其他西餐廳嘅表現更加出色。焗咖哩豬扒飯, 朋友仔十分之欣賞呢一 個焗飯, 因為佢話, 焗咖哩汁唔係度度有, 而呢一個汁仲要好野味。黑松露焗雜菌西蘭花,呢個又係出色之作,完全係出色嘅西餐廳嘅水準 ,估唔到一間冰室可以做出咁出色嘅食物。沙嗲牛通粉, 啲牛肉絕對係新鮮食落去唔會散開, 呢個沙嗲汁亦都係有用心製作唔係就咁芡汁奶油脆脆豬 脆脆豬食辣脆卜卜好香口呢個好特別紅豆西多士唔記得咗影入面嘅相,切開係一粒粒嘅紅豆紅豆質感十分之好。瑞士雞翼公仔麵啲麵係即叫即煮唔係浸林去嘅,呢啲雞翼亦都好入味仲好嫩口薑味奶茶 ,飲落口有陣陣嘅薑味㗎,原來放咗兩片薑喺度,而薑味同個奶茶味估唔到係夾嘅,亦都冇搶曬奶茶嘅香味值得一試。