堅信號上海生煎皇 (新都城中心二期) (Closed)

上星期去左將軍澳新都城中心行街，朋友話一直想試呢間，我都未曾食過，所以就入去試試。見到佢既堅持抗疫晚市套餐都幾抵食，不過配既小食唔係好岩，所以我地就散叫。點左我最愛既上海紅油抄手同蒜泥白肉2款小食都唔錯，紅油抄手入面用料好足，漲卜卜。蒜泥白肉都大份，2人食剛好。主菜方面，當然要試下呢度出名既豬扒菜飯同上海粗炒啦。豬扒唔會煮到好老，啖啖肉食落嫩口。上海粗抄，朋友就comment話炒得夠獲氣，而且味道濃，岩晒重口味既朋友。